Ŋgàn 6:17 - ŊWÀʼ NYÙY

¹⁷ a yí dzə̀ jii: Kiŋkoʼòrwùn, kimboʼtì, kinjuyrìwìr,

Ŋgàn 6:17 Referans Kwoze

Ŋgàn 12:22

Nyùy Tàr yii ban aŋgàa kimboʼtì, shéʼri wír ve á yii kinyo là kiloʼ.

Aysaya 1:15

Vèn wíy nàn wó e yuv ji á bunrì, é la m yòʼ lèéy, à leéyi shó. Fə̀m mo vèn gísin, bunrì mo akàŋ akàŋ, bó m yòʼ wíy yuurí ven. Vèn yùyrí ne wíri, a wó yéné kù sì wó mensəə.

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

Nsùyrì Nyùy 5:6

À yii laar vé kimboʼtìi láarin. Rúrú, Nyùy Tàr yii nyaysì vé kinjuyrìi, nyaysì aŋgaà lam bàá adzə̀m.

Aysaya 3:9

Vinyo ve áwune buʼtì vi kù din aáwuné si. Á kù buʼtì vinyo e wírí si, kù mo wír veé Sodome‑eè buʼtì e ŋgèŋgèr. Lòné kù dzə̀ wóv, a ŋgeʼ sìn si kù ghàn wó yév.

Ŋgàn 21:4

Wìr wo wù méŋ Nyùy kù yén a dzə̀ kitú kfə́, ghaŋghàŋè. A vinyo və́ vidzə̀m vi dzə̀ ve bi ví.

Remrí 27:25

« ‹Lǒn Nyùyi ku koò wír wo wù sə́ mbàm ji wun yúyrí wír woo là njò.› «Á yoŋ bèy, é wìr dzə̀m ku nèn bìnsí jii, ‹Kí kú a dzə bèy.

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Aysaya 3:16

Nyùy Tàr suuy jii, «Vikìy veé Jerusaleme kóʼor wún é ŋàŋ. Á kù ghán e kilòŋ kí yuv, kív sí, e bó a leéy wír sho, shóʼ kiwuú, tiir e kímóʼ kí kitu, kù ji lùmèn yén, ghán, a visháráŋ vé sùsù ve á səŋrin é wuù ví sháʼá.

Ŋgàn 26:28

Wìr bóʼti wír, bo wù ban ŋgaàŋ bánen, a leerì yee leèrì wír e shúu kù dzə̀ ji wù maʼ ŋgaàŋ máʼan.

Nsùyrì Nyùy 18:27

À sə́ wír ve á yòʼ yén vitú vév, sen wír ve á kóʼor wún.

2 Afòn 24:4

jòkìnyàʼ wír vee alànjò ve wù‑uù yuyrin. Wù‑uù yiì, mensə́ me wìr vee alànjò mè wáa leŋ Jerusalem e dzə̀m, a bó yòʼ dzə̀ Nyùy Tàr làysìn jay və.

Remrí 19:10

A vèn dzə̀ là fóo dzə̀sì ŋkà se laʼ sìy bèy, bo wìr wo wù sàsìn, e yùyrí wùmòʼ é kimbùmmbúm yíi lò, e boŋ kpú e věn nsay ye Nyùy Tàr woo Nyùy won fó e vèn ji vitsə́ʼ. Kí kooy bèy, bo vèn gbù ne njò mensə.

Aysaya 2:11

Wù wiy, e sèn wír wo wù li kitú kfə́ ji Nyùybomkpù, e dìn kisáŋ ke vé kiŋkoʼòrwùné adzə̀m. Á bèy, é kú a dzə Nyùy Tàr cáʼ wo á wíy a koʼór yír rə́ é kishiíy fóo fèy.

Ŋgàn 30:13

Ŋgwàʼ rə̀n kù yén vitú vév é ŋàŋ. Á kóʼor wún ji bó wìr yòʼ dzə̀ moo áwune.

Ŋgàn 14:5

Wìr jwáʼ tiim vinjen, wù sùúy suuyrú. Wìr kisaŋ tiim vinjen, wù bòʼtí kimboʼtì.

Nsùyrì Nyùy 31:18

Sə́tí shúu vé kimboʼtìi, aá kfə́n ji vindzə̀mer, shúu wìr ve á jaʼ wír ve á yúnin wò, shúu wìr ve á kóʼor wún, taʼ wír vé ntéŋ.

Ŋgaà Yen 22:15

Wír ve á wíy a gòʼ kév a dzə̀ fó ndzəə dzə̀ á ve á yii joonè wùn à ve á sénin sə́m, à ve á jaŋ kinjàŋ wùn à ve á ghán viŋkari, à ve á yúyri wíri wùn à ve á ghvə́m vifá vímóʼ ví ji Nyùyi. A wír ve á koŋ kimboʼtì, tíy a dzə̀ shó adzə̀me kù wíy gòʼ sa fo ndzə.

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Ŋgàn 17:7

Kiyúŋ kí yòʼ yii tíy e ntir, a bó ŋgaà saʼ yòʼ yii tíy sa e kimboʼtì.

Ŋgàn 1:11

Aáwune lò, a kwàr wò ji à wiy, é vèn áwune téʼ wír, e yùyrí, vèn áwune ku tèʼ á wír wo bó wù yòʼ kiìn fo kí binè, e yuyrí kisáŋ, à wàa yen fó mùm.

Nsùyrì Nyùy 131:1

Éè Nyùy Tàr, bó m yòʼ kóʼor wún, a bó m yòʼ yén kitú kém ji wír. M yoʼ wày wó yém é vinyò ve kuʼùn ví, kìn é vinyò ve ví wáa tav, a ghaʼ mo.

Nsùyrì Nyùy 10:4

Wír ve á méŋ Nyùy vìne ŋaʼ e ŋàŋ, a bó á yòʼ kfə̀n taʼ Nyùy gheéy. Á kù sí yii vinyo vév ji bó Nyùy yòʼ dzə̀.

Ŋgàn 1:16

Wír ve bi víne yòʼ tíytiy fóo yiì kinyo ke bi kí. Áwune kù dzə̀ kibáʼtín fó teʼ wír, e yuyrí.

Ŋgàn 6:16

Yíi wìr msòŋé dzə̀ ntuùfú ye Nyùy Tàr banè, a yee saàmbàa kfə̀n dzə̀ ye wù yòʼ fə̀m taʼ e yu à yúu shó,

Ŋgàn 28:17

Wìr yúyri wír, lóo ghan e lòné wùn, wìr wàa yen fóo sə wun.

Jeremia 26:15

Yii bèy, vèn kú a kiíy e ké ru kí ji a vèn yùyrí mo, bo vèn jaŋ a dzə̀ lòn e věn kitu, bìʼ lànjò wo vèn yuyrin, e kfə̀n jàŋ sa e ŋkàlaʼ rə̀n wùn à e wìr dzə̀m woo fen kitu. Dzə̀ suuyrú ji Nyùy Tàr dzə̀ a túm á mo ji m tiísí á vinyo vìn, é vèn yú.»

2 Afòn 21:16

Nyùy‑iì yoŋ bèy, a Manasse‑eè yùyrí ne wír vee alàjay anín, Jerusalem wáa dzə mensə́ mensə́. Wù‑uù yiì kin, kí kfən tàtí ke wù‑uù dan wír veé Juda, aá ghvə́m anyùy kisaŋe, nèn yii vinyo ve ví wáa bir Nyùy Tàr.

Nsùyrì Nyùy 5:7

A m dzə̀ kém, a dzə̀ m wàa nəə́ e wò lav cù, bìʼ koŋ ye à kér fo mò é ŋàŋ. M wíy a sùyrì wò e wò lav ye ranén, a gvəʼtí e wò si, a ghvəm wò fo.

Ŋgàn 16:5

Wìr lóo kùm kiŋkùm, Nyùy Tàr wàa bàn wun, rúrú, a bó áwune yòʼ wíy bòy fo ŋgeʼlàʼ.