Ŋgàn 6:16 - ŊWÀʼ NYÙY

¹⁶ Yíi wìr msòŋé dzə̀ ntuùfú ye Nyùy Tàr banè, a yee saàmbàa kfə̀n dzə̀ ye wù yòʼ fə̀m taʼ e yu à yúu shó,

Ŋgàn 6:16 Referans Kwoze

Nsùyrì Nyùy 11:5

Nyùy Tàr kaʼày wír wo wù yúnin wun, kaʼày wo wù méŋ wun, a shilív sə́ shí tún wo wù koŋ melaà.

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Ŋgàn 11:20

Nyùy Tàr yii ban ayìíkum, shéʼri wír ve á ghán e wun mbòv.

Ŋgàn 3:32

Wìr liì kisaŋ yii kóʼoy fo Nyùy Tàr. Yii bèy, wìr woo tìítiy dzə̀ wo vifií və́ ví yii tíy sho.

Remrí 25:16

Vèn wáa kiíy jii, wìr wo wù yii vinyo vee bey, shwiv kinshwìv, sì ŋgaà joònè e Nyùy Tàr woo Nyùy wón si.

Ŋgàn 17:15

Nyùy Tàr ban ŋgaà nsaʼ wo wù tínen nsaʼ ŋgaà njò, fəər wun fo ŋgeʼ, a wù ban sa wo wù tínen nsaʼ lànjò, wáy wun e ŋgeʼ.

Ŋgàn 11:1

Nyùy Tàr ban mfìʼ vidzəə̀sì mbóʼmé, shéʼri mfìʼ yee réŋ.

Amos 2:1

Nyùy Tàr suuy jii: «Abaày, wír veé Moavi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu, Yìiy, áwune‑eè tòn vighvə́r vé fòn woó Edom, ví dú é kibvə.

Amos 1:11

Nyùy Tàr suuy jii: «Abaày, wír veé Edome fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè ghíʼ afə́r vév e rə́r sí, nyoorì feyì, e làa yòʼ a rər mendzən mev. Kilòŋ kév ke shwiiyín kí yòʼ‑oò kpúrinè, a dòʼshwíiy wov kù‑uù kúy kuyín.

Amos 1:9

Nyùy Tàr suuy jii: «Abaày, wír veé Tayàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn. Á yòʼ kfə̀n‑eè kuúme *mensaŋ me viŋkar me wùn áwune‑eè gwàrìn.

Amos 1:6

Nyùy Tàr suuy jii: «Abaày, wír veé Gasàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn.

Amos 1:3

Nyùy Tàr suuy jii: «Abaày, wír veé Damaskusi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè lóvti e wír veé Gileadi, kù mo wìr bùʼ sáŋ, a dzə̀ e kisha ki.

Ŋgàn 30:21

Vinyo vi dzə̀ vitaár ve ví lóo koóy, ví sə̀ʼsì kitú ke nsay, a kee kweè ki dzə̀ ke kitú ke nsay ki yòʼ koŋ e yu, à yúu shó.

Ŋgàn 20:23

Nyùy Tàr ban mfìʼ se mbóʼmé, a mfìʼ se vidzəə̀sì sé mbóʼmé si yoʼ bòŋ.

Remrí 24:4

bo a dzə̀ lúm woo wo mbìy wo wù‑uù fəərin wun, la wù yòʼ kfə̀n lì ji wiíy, bìʼ fo wù siìn lèn ji kifá ke nsəə̀laʼ ki fo wun. A wù kfə̀n lì ji wíiy və, bo sì kinyo ke bi kí e Nyùy Tǎr si. Lá vèn yòʼ wìy sə̀ŋ lòn, e bìvír nsay ye Nyùy Tàr woo Nyùy won fó e vèn ji vitsə́ʼ vén.

Remrí 23:18

Lá wìr yòʼ wìy wìy e mbàm se wù kavin fó visàkì si e Nyùy Tàr woo Nyùy wón lav cù ji bìʼ ŋkàʼmé və, kìn dzə̀ mbàm se kavin wiíy, kìn se lumèn fiìnèn kitú kfə́ shó. Vinyo vee shooy vi kóʼoy Nyùy Tàr.

Amos 2:6

Nyùy Tàr suuy jii: «Abaày, wír veé Israyi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, á kan alànjò, aá lim vikwàn ji áwune fiʼ kòóy, li ghéʼncey, á kàv kiwuú ké lábáʼ shó.

Amos 2:4

Nyùy Tàr suuy jii: «Abaày, wír veé Judàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune ŋwày Nsər sém, e tèn fó a yu sáʼ yém. Áwune kù ghán a dzə̀ áàtàr véví mbòv, tiir vifií a dzə̀ áànyùy kisaŋe, nèn bin e dzəə ye bi.

Ŋgàn 30:29

Vifá vi dzə̀ vitaár ve à leey mo ví gháné, à wàa yu vijuŋ, a vee vikweè vi dzə̀ ve ví lóo shoʼ ntàm yev, à wàa leéy, a kòŋ.

Ŋgàn 20:10

Mfìʼ vidzəə̀sì mbóʼmé, à mfìʼ yee kintéŋ, sidzə̀m si dzə̀ réŋréŋ, a Nyùy Tàr banè.

Ŋgaà Yen 21:27

A bó yòʼ dzə̀ sá kifá ke kí kér shilóm ki nə̀ə́ é laʼ fèn gheéy. A bó yòʼ dzə̀ sá wír wo wù yii liì kisaŋ, kìn wo wù bóʼti kimboʼtì, wù nə̀ə́ fó. Kù wíy nəə́ wír ve yír sév sí dzəə̀n é ŋwàʼ Wàn Njiì Nyùy wo vé‑eè saŋen yír sé wìr ve á wíy lùŋ sho.

Ŋgàn 30:24

Vifá vi dzə̀ é kitu ke nsay vikweè ve ví ŋeerin féyì, yii bèy, a ví fìír e ŋàŋ.

Ŋgàn 30:18

Vinyo vi dzə̀ vitaár ve m leeyì, a shúu má mo, a ke kí meen ji kweè ki dzə̀ ke m yòʼ kiiy jeéyjéey və.

Ŋgàn 6:15

Bìʼ bey, bó shintàm shi yòʼ‑óò dar, a bó kinyo ki súm wun, a bó dzəə̀ ye wù kúy yòʼ kfə̀n wíy a dzə.

Ŋgàn 6:17

a yí dzə̀ jii: Kiŋkoʼòrwùn, kimboʼtì, kinjuyrìwìr,

Jeremia 26:15

Yii bèy, vèn kú a kiíy e ké ru kí ji a vèn yùyrí mo, bo vèn jaŋ a dzə̀ lòn e věn kitu, bìʼ lànjò wo vèn yuyrin, e kfə̀n jàŋ sa e ŋkàlaʼ rə̀n wùn à e wìr dzə̀m woo fen kitu. Dzə̀ suuyrú ji Nyùy Tàr dzə̀ a túm á mo ji m tiísí á vinyo vìn, é vèn yú.»

Sekariya 8:17

Lá wìr yòʼ a taŋ kinyo ke bi kí e wun shiliv kùm fə́r və. Lá wìr yòʼ tiím vinjen ve kisaŋ vi e fər və́ bàm, bìʼ fo m ban vinyo vìn vidzə̀m. Suuy mo woo Nyùy Tàr.»

2 Afòn 21:16

Nyùy‑iì yoŋ bèy, a Manasse‑eè yùyrí ne wír vee alàjay anín, Jerusalem wáa dzə mensə́ mensə́. Wù‑uù yiì kin, kí kfən tàtí ke wù‑uù dan wír veé Juda, aá ghvə́m anyùy kisaŋe, nèn yii vinyo ve ví wáa bir Nyùy Tàr.

Ŋwàʼ Jov 5:19

Nyùy yíi a kìŋsìn wò fo ŋgeʼ akàŋ akàŋ, a sí fə̀m gìm wò e le, bo bó kifá ki yòʼ yíi sə̀ʼ wò.

Nsùyrì Nyùy 5:7

A m dzə̀ kém, a dzə̀ m wàa nəə́ e wò lav cù, bìʼ koŋ ye à kér fo mò é ŋàŋ. M wíy a sùyrì wò e wò lav ye ranén, a gvəʼtí e wò si, a ghvəm wò fo.

Ŋgàn 12:22

Nyùy Tàr yii ban aŋgàa kimboʼtì, shéʼri wír ve á yii kinyo là kiloʼ.

Ŋgàn 21:4

Wìr wo wù méŋ Nyùy kù yén a dzə̀ kitú kfə́, ghaŋghàŋè. A vinyo və́ vidzə̀m vi dzə̀ ve bi ví.