Ŋgàn 6:14 - ŊWÀʼ NYÙY

¹⁴ Wù yii bèy, kwaʼtì a dzə̀ kinyo ke bi kí, báʼti ji wun yii kinyo ke kisaŋ ki, lo, wù nèn màʼ mbvəərì e wírí nsàn.

Ŋgàn 6:14 Referans Kwoze

Mayka 2:1

Ŋgeʼ dzə̀ ye wìr ve á táŋ a dzə̀ kinyo ke bi kí. Wír ve á lóo neŋ e kikun, á kù a baʼtí a dzə̀ kighèʼ, ndzə javì, á nèn kèʼ a bùʼtì vinyo ve vé‑ee siyin, a ba vitsə́ʼə́, bìʼ fo áwune kér vitaáví ve dzə̀ á yiì kinyo ke áwune koŋè.

Ŋwàʼ woó Rom 16:17

Afə̀r vem, m nen kfə̀n a tir ven jii, vèn wáa baàmè a wír ve á ghán, yéʼey vinyo, a bó yòʼ dzə̀ ve vé‑eè yeʼeyin ven shó, bvəər vifií vé wíri, aá javsìn, dzə́ jeéy jeéy. Vèn wáa nyeŋ kfə́ə wìr vee bey,

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Esiker 11:2

Nyùy Tàr yòŋ e mò jii, «Wàn wìr msòŋ, wír vìne dzə̀ ve á kér taámé se bi sí, kfə̀n tír wíri e ntir se bi sí é ŋkàlaʼ fèn.

Aysaya 57:20

Yii bèy, wír ve á méŋ Nyùyi yòʼ dzə̀ á wìy a ker meemè, réŋréŋ moo rìbà ndzə̀v wo wù kù yii binkìr bìnkìn, tsə́yninè, lóo tsəynín, wù wàa fəə́r kishaʼàr wùn à ŋaʼrì sí é meshavtí.

Aysaya 32:7

Vé kisaŋe kù sí yii vinyo kighèʼ kighèʼ, bá antaŋ ve bií ji á maʼ ŋgeʼ e vé kitàné kitu. A vé kitàne fə̀m suuy suuyrú é le, bo wír kisaŋe kù‑úù tiím vinjen ve kisaŋ vi aáwuné bàm.

Ŋgàn 22:8

A wìr wày kinshwìv, bo wù kù wíy kav a dzə̀ lòn, é táy ye wù táy wírií nèn mày.

Ŋgàn 21:8

Ŋgaà jay kù yii ghán kfə́, a dzə̀ é dzəə yee kintéŋ, a lànjò yii kfə́ kinyo, a dzə̀ kee tìítiy.

Ŋgàn 3:29

Lá à yòʼ a ba menàŋ e fər wò bàm, a wù dzə́ e wò ghaŋ, yoy, tiir a dzə̀ e wò wùn.

Ŋgàn 2:14

Áwune yú vijuŋ e vinyò ve á buʼtì, tiir vifií a dzə̀ é vinyò vee yiì e kúmé.

Nsùyrì Nyùy 36:4

Wù lóo neŋ e kikun, wù wàa baʼtí a dzə̀ kighèʼ. Wù kù sí taʼ a dzə̀ dzə́ə sé kisaŋ si. Jòkìnyàʼ, bó wù yòʼ bin ndzə̀m é yiì ye bií.

Nsùyrì Nyùy 140:2

Ntaŋ wov kù dzə̀ ji á gheʼ wír, e bayír wíri, aá wáa fùnèn.

Ŋgàn 16:27

Wìr kisaŋ yii bá kfə́ a dzə̀ kinyo ke bi kí, a dzə̀ shuu vəə́ tòn kirə́ʼ.

Ŋgàn 17:20

Wìr lóo ker shilív she bi shí, la vikuʼùy ví yòʼ a nəə́ wun. Wìr lóo boʼtí kimboʼtì, wù nə̀ə́ é ŋgeʼ.

Ŋgàn 24:8

Wìr wo wù táŋ kinyo ke bi kí dzə̀ wo á yíi a yòŋ ji ŋgaà menàŋ.

Nsùyrì Nyùy 140:3

Jí se sí fəə́ fo áwuné kilayláy sí dzə̀ ji ndzəʼ, ndzəʼ, wo dzə̀ wù yùyrí wír mo tè búv.

Ŋgàn 3:32

Wìr liì kisaŋ yii kóʼoy fo Nyùy Tàr. Yii bèy, wìr woo tìítiy dzə̀ wo vifií və́ ví yii tíy sho.

Ŋgàn 14:22

À lóo ba ntaŋ wo bi, bo à fəə̀ ne fo ŋwàn. Aà báʼti a dzə̀ kinyo ke juŋ ki, bo dzə̀ mo á wíy a kòŋ wò, a sham.