10 Mo à yén ji wò‑óò neem, e yòyrì shishàr, a boŋ shimbuùné,
Njoó ku lì mfìʼ fo vilií vi, e lèéy mo ví lo, ví wàa lìm, é ví yéʼéy wun.
Njoó və̀n, à yíi neèm e kikun, e dù meé e le? À yíi yìmèn e ghàn ka?
Wìr lóo dzə njoó, wù wàa buuné, a tonén, lóo dzə e làa yòʼ a lìm kifá, wù kpù jíŋ.
Lá à yòʼ a kòŋ mbuùné, fóo yiì kpu kitan. Lò é yuv, a lìm kitávín, áà yiì a ker vifá ve yi nyanyày.
Anónoón wùn aàyíyiíné kù wíy to a dzə̀ é kitàn. Wìr rə́si, lóo buuné buunén, bo wù kù wíy a màʼ ndzə̀y a dzə̀ see vinsàʼ.
Yii bèy, kiyúŋ kí lóo jiíy e wóo, kí kfə̀r kitú kfə́.
