Ŋgàn 5:4 - ŊWÀʼ NYÙY

⁴ Fo bàm, kinyo ke à kì duùn kí kfə̀n ji lúylúy, a njim moo shwàʼ rə̀r wo á baàyìn mbìv sidzə̀m.

Ŋgàn 5:4 Referans Kwoze

Ŋgaà Tàrvìnyò 7:26

M yèn ne kifá ke kí birin, e shaà kpú, a dzə̀ wiíy wo dzəə̀n kitám, a dzə̀ lálán, a wó rəə́ sì ji asháŋ. Wìr wo wù yii mo Nyùy taʼà yíi bàʼàr wun, é wù koó kfə́ ŋgaà jay koón e wun kitam.

Nsùyrì Nyùy 57:4

M dzə́ bèn, aàŋgàa vibàné gìŋ ne mo, e tàr, aá dzə̀ moo abvərə̀ʼ ve jìŋ yárí, aá taʼ jav wìr. Sóŋ sév sí njím moo njàʼ se kòŋ, njím moo kitú ke mvə̀n. Kiliímé kév kí dzə̀ moo shwàʼ wo á baàyìn.

Nsùyrì Nyùy 55:21

Kisúŋnìn kfə́ kí nyom moo vilu, yii bèy, a wù dzə̀ ŋgaà lǎm baà. Jí se sí fəə́ fo wun shuù si rəsìn moo meŋgvə́r, yii bèy, a sí njím moo shwàʼ wo á baàyìn.

Hibru 4:12

Vèn wáa kiíy jii, jí se Nyùy si dzə̀ sigháʼtín, a dzə̀ sí yiì kinyo. Sí lim e wìr shiliv, lim e vifii, njím shaa shwàʼ wo á baàyìn mbìv sidzə̀m. Sí sáyri kwaʼtì wìr e dzə̀m, kìn dzə̀ ye yí tíy e shiliv, kìn ye wù kwaʼtì a dzə̀ fó vifii, kwaŋrì réŋréŋ mo shwàʼ ghàn é nsàn se vighvər.

Ŋgàn 9:18

Yii bèy, a bó ŋgaàŋ yòʼ fə̀m kiiy ji kpúu dzə̀ á fo, a wù yòʼ yén ji və́ vé kiŋgàné kù sì a dzə̀ é sày.