Ŋgàn 5:23 - ŊWÀʼ NYÙY

²³ Mo á sər, a bó wù yòʼ yú, bo kù dzə̀ fo kpú rəə́ yíi lò, é kiyúŋsì kfə́ ki yii, é wù bívír kitú kfə́, e bìr ŋkuuŋkùŋ.

Ŋgàn 5:23 Referans Kwoze

Ŋwàʼ Jov 36:12

Yii bèy, aáwune lò, e làa yòʼ a yunín, bo á kù wíy kpu kpú mensəə, e kpu, a bó á yòʼ kì jeéyjeéy fó vinyò.

Ŋwàʼ Jov 4:21

Wù kpú, bo wù màʼtì ne bùʼ wo wù kérí, a kpu bèy, a bó wù yoʼ fə̀m kìíy dzə́ə ye Nyùy yii yii vinyo və́ shó.› »

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Ŋgàn 10:21

Wìr yúnin Nyùy, wù yìír ŋgòŋ e jí si, du e kiyuŋ, wù kpù kibúŋ ke vifii.

Ŋgàn 14:14

Aà yii yii ye bií, bo à wíy kav vibí, à wáa yiì yii ye juŋe, bo à wíy kav vijuŋ.

Nsùyrì Nyùy 81:12

M nèn shwèy áwune, á wáa bùy, a dù, a yiì kinyo ke melív mev mè tíy sho.

Ŋgàn 1:31

Áwune kù yíi kav kifa, a dzə̀ ke á wayin, liì kisaŋ wov kù yíi bìnkìr aáwuné kitu.

Nsùyrì Nyùy 94:23

Wù wíy siìr vinyo vév ve bi ví aáwuné kitu, e laàr áwune bìʼ yii yév ye bií. Nyùy Tàr woo Nyùy wòsən kù wíy laàr áwune.

Ŋgàn 12:8

Wìr lóo yiì vinyo ve ví kér vifií, wíri wàa burí wun. Wìr lóo yiì kinyo kee là vifií, wíri wàa kay wun.

Ŋgàn 21:16

A wìr ŋwáy yéʼéy ye yí fó vifií, bo wù kù wíy jòʼsì a dzə̀ wùn à kpúu.