Ŋgàn 5:21 - ŊWÀʼ NYÙY

²¹ Kiíy jii, Nyùy Tàr kù leey njiìn wìr dzə̀m, kaʼày mo ghán yéví dzəə̀n.

Ŋgàn 5:21 Referans Kwoze

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Ŋgàn 15:3

Nyùy Tàr kaʼày virə́ʼ vidzə̀m, kíy wír ve juŋe, à ve bií.

Jeremia 32:19

À kér vifií vé ntir ve ghaʼán ví, yii viŋgaʼnìn ve vinyò. À yii yén vinyo vidzə̀m ve wíri yii, laáme wir dzə̀m mo liì və wùn à yii rəə́ dzəə̀n.

Ŋwàʼ Jov 34:21

«Wù kù túyti sí e wìr msǒŋ njiìn, kaʼày mo ghán rəə́ dzəə̀n.

Nsùyrì Nyùy 11:4

Nyùy Tàr kù dzə́ e wun lav cù ye ranén. Nyùy Tàr kù dzə́ e wun kàvàʼ woó yuv. Wù dzə́, shwéʼ wir msòŋ, kaʼày áwune.

Ŋwàʼ Jov 31:4

Bó Nyùy yòʼ kù yén yii yém e dzə̀m à? Bó m yòʼ kù shóʼ kiwuú, a wù baʼ kiwó à?

Hosea 7:2

Áwune yòʼ gwarìr feyì ji m shoóshi a vinyo ve á buʼtì vìn, leey vidzə̀m. Vinyo vév ve bi vin vi sùm ne áwune, a bó yòʼ dzə̀ féyì m yiì bìn ndzə̀m, e làa yòʼ a way sí sho.»

Jeremia 23:24

A dzə̀ wìr lìr é kirə̀ʼ, ye bó yòʼ dzə̀ m yèn wun à? Suuy mo woo Nyùy Tàr. Bó m yòʼ dzə̀ é yuv wùn ǎ nsay à? Suuy mo woo Nyùy Tàr.

Jeremia 16:17

M yén kinyo kidzə̀m ke áwune yii. Ke kí dzəə̀n é kilìr fo mò kí yòʼ dzə̀. M kù yén vinyo vév ve bi ví vidzə̀m e sí yémé.

Nsùyrì Nyùy 119:168

M yúnin ntò sé se yeʼéy, à vinyo ve à dìnèn ví vidzə̀m, bìʼ fo à yén yii yém e dzə̀m.

Nsùyrì Nyùy 17:3

À kì mo shilív shém shí dzəə̀n, aà wìy ne, e ghàn mo vitsə́ʼə́, e tàr mo kijuujùŋ, e yèn, a bó m yòʼ tíy e kinyò ke bi kí.

Ŋwàʼ Jov 14:16

Bo à yíi a leéy fo mò, a geʼsín sho, e làa yòʼ dzə́ə a shìy shìyìn ji m sà‑áà jáy kinyo a.

2 Wòŋ 16:9

Nyùy Tàr kíyri kitú ke nsay kidzə̀m, ji wun tóm á wír ve á ghán tìítiy mo wù taʼà, e tom bèn e mbòŋén. À lò ne, e yiì a dzə̀ kiyúŋ. Kèʼ fo lèn, rə́r sí kù sí wìy a ghiʼ wò ghíʼín.»

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Ŋgaà Yen 2:18

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Tiyatira. A wú dzə̀ jii: «Kinyo kìn ki suuy mo woo Wan Nyùy. Dzə̀ mo wo wón sii njaʼkìr fo fo moo kiliímé ke və̀y, a wuú yémé rán, tókir moo kisha ke baar ke á naŋsin, e yètìr.

Ŋgàn 4:26

Á tiír kiwuú ké ki, a fìʼ, áà bóo fíʼ a ghan kijuŋ.

Ŋgàn 5:6

Wù yòʼ tíy e dzəə ye a wìr ghán sho, wù wàa ker dzəʼə̀m ye juŋe. Wù shwèy ne dzə́ə yee shooy, a bó wù yòʼ fə̀m gwarìrì.

Jeremia 29:23

Áwune‑eè yiì ne joonè é Isray, a wìr li wiiy ŋgaà və shùu lav. Áwune bóʼti kimboʼtì e mǒ yir, a bó m yoʼ tùm áwune. M kì vinyo ve áwune yiìn vidzə̀m, a m dzə̀ njen. Suuy mo woo Nyùy Tàr.»

Ŋwàʼ Jov 24:23

Wù lo, wù kìŋsìn áwune fó shintàm, aá kù yéʼti a dzə̀ shó, yii bèy, a wù kù wáy sí aáwuné wùn.