Ŋgàn 5:1 - ŊWÀʼ NYÙY

¹ Wan wòm, sə́ʼə́m, e yuùrí ntir sém sí. Fó vituʼùr ví, é m tír wò moo fií,

Ŋgàn 5:1 Referans Kwoze

Ŋgàn 22:17

Fó vituʼùr ví, e yuùrí jí se afiì sí, e tìír vifií ví e mǒ yeʼéy.

Ŋgàn 4:20

Wan wòm, fó vituʼùr ví é ntir se m fó e wò, e yuùrí kijuujùŋ.

Ŋgàn 2:1

Wan wòm, ku yù jí sém sí, e lèm ntò sém sé yeʼéy si.

Ŋgaà Yen 3:13

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Ŋgaà Yen 2:11

«Vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo bó wù yòʼ dzəə́ wìy nəə́ e kpu yee akàŋ abaà.»

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Maak 4:23

Vituʼùr ví dzə̀ vibaà, kímóʼ kí tén fó yu, kímóʼ kí yù.»

Ŋgàn 4:1

Wòn vem, vèn ku yuùrí ntir tàr won. Vèn fó vituʼùr ví, e yuùrí jí sém sí,

Ŋgaà Yen 3:6

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgaà Yen 2:29

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

Matio 3:9

Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.

Ŋgaà Yen 3:22

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgàn 6:20

Wan wòm, kú a lèm nsər se tàr won sí, e làa yòʼ a ŋway yéʼéy yè won ŋwáyín.

Ŋgàn 7:7

e yèn wánlè nsùm wùmòʼ, a dzə̀ə́ njìʼ e kiŋkàŋ ké wàʼbìn, a bó vifií ví yóʼ ne tìím, a bó wù yòʼ sí kiiy jeéyjeéy fó vinyò.