Ŋgàn 4:7 - ŊWÀʼ NYÙY

⁷ Bó kinyo kímóʼ kí yòʼ kfə̀n dzə̀ shó e shií, e shaà ji wìr keérí vifií ve ví lo fo Nyùy. A dzə̀ à wàa ker vifá vidzə̀m, yii bèy, a vifií ví shaà kidzə̀m.

Ŋgàn 4:7 Referans Kwoze

Ŋgaà Tàrvìnyò 7:12

Vifií ví kiŋsìn wír, a mbàm si kiŋsìn wír. Yii bèy, a seʼ vifiì dzə̀ ji ví kiŋsin ŋgaàŋ, fo dzəʼə̀m rəə́ bír.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋgàn 16:16

Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

Ŋwàʼ Luk 12:20

Wù sìysì bèy, Nyùy nèn yòŋ jii, ‹Kiŋgà ké kiyuŋ kin, m yíi sə kiyoy ké e bàm vitsə́ʼ vé lán vi, é vifá ve à baʼtin vin vi wìy sìíy a dzə vé la?› »

Nsùyrì Nyùy 119:104

À kù shaà a dzə̀ fo wò ntò se yeʼéy, e bóo fo mo vifií. Bìʼ bey, m nén a bàn dzə́ə sé kimboʼtì si sidzə̀m.

Ŋwàʼ Luk 10:42

a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

Ŋgàn 21:6

Vikuʼùy vee shwìv kinshwìv, e kòóy, vi dzə̀ moo mbàʼŋkfəə́mé ye yì lo, yì ŋeèmé, e lày, a dzə̀ kitám ke wìr ve á jum kpú yév.

Ŋgaà Tàrvìnyò 4:8

Kí dzə̀ ji wìr lo, a wù dzə̀ là wír, là wán, là fə́r, wù kù a gisín e lìm ghán sidzə̀m là meemè, a bó wù yòʼ yén kifá ke wù káví, a kí gheen wun. Bó yòʼ dzə̀ wù mèé é kiliŋ kée dzər jii, «M lim a dzə̀ fo la? Yé a lìm, a bó yòʼ dzə̀ m dzə̀ʼə̀m, a yu vijuŋ.» Kin ki dzə̀ kisáŋ, a dzə̀ lim vishi ve bi ví.

Ŋgàn 4:5

Lá à yòʼ làysìn, e bìn ndzə̀m e ntir sém sí. Kú a kiíy vinyo, a gwàrìr mo ví gháné.

Ŋgàn 8:23

Mò‑oò tùúy ne vèr wun fo yàŋgùʼ, é bo wù wìy a bom kitú ke nsay.

2 Wòŋ 1:10

Ku fò ri mo vifií wùn à kiíyi, é m wáa saʼ wír vìn sho. Kí búŋ fó bèy, bo bó yòʼ dzə̀ wìr kìíy móo saʼ wír vé ve á dzəə̀n agháʼán vin.»

Ŋgàn 2:4

Kú a tàʼ feyì mo wìr jùm mbàm, a tàʼ moo bùʼ wo wù dzəə̀n é kilìtì.