Ŋgàn 4:4 - ŊWÀʼ NYÙY

⁴ Tàr wor nèn a tir mo, a sə̀ntì jii, «Lèm jí sém sí e wò kitu, a lèm nsər sém, e fíʼ wìy a ker dzəʼə̀m ye dáa.

Ŋgàn 4:4 Referans Kwoze

Ŋgàn 3:1

Wan wòm, lá à yòʼ ŋwày ntir se mò‑oò tír wò sho. Á lèm ntò sém sé yeʼéy si.

Joon 12:50

A m kì ji ntum ye wù tumen mo shó rə̀n dzə̀ ye yì fó dzəʼə̀m yee là may. M nén a fìʼtì kinyo ke m fiʼtì kidzə̀m a dzə̀ kíwun ke Tàr wor tumen mo shó.»

Ŋgàn 7:2

Á yunín nsər sém sí, e fíʼ wiy bonén e shiíy. Ku lì ntir yem é shií réŋréŋ moo wan si wò,

1 Wòŋ 28:9

«Wówò Solomon woo wán wom, kiíy Nyùy wo tàr won ghvə́mé. Á ghvəm vèn à shilív shé shi shidzə̀m, à kwaʼtì yée e dzə̀m, bìʼ fo Nyùy Tàr yii tar melív medzə̀m, a wù kfə̀n yii kiiy kwaʼtì e dzə̀m ye yí dzəə̀n e wìr vifii. Aà yiì a tàʼ wun, áà wáa yen. Yii bèy, à maʼay wun, bo wù yíi bìn ndzə̀m e wò, e màʼày wò ŋkuuŋkùŋ.

2 Timoti 3:15

a kuumé jii, wò‑oò sí yú a Ŋwàʼ Nyùy, e kèʼ fo meterí. A dzə̀ kinyo ke dzə̀ kí tìr wò, áà kiíy mo dzə̀ wìr wày shilív e Jesus Kristu wùn, e bóo wìy lùŋ.

Efesor 6:4

Ven vee atǎr woné wáa kiíy sa jii, lá vèn yòʼ a nyàmnyàm wón, aá wáa tùʼtìn, a meŋ fo á dzəə̀n, e nèn a lò, a tav kitú. Vèn kú a lon a dzə̀ fo Tàr wòsən Jesus Kristu mo dzə̀ vèn wàa naàrì wón vén, a yeʼéy áwune é dzəə yee réŋ.

Remrí 6:6

Nsər se m fó e vèn lán sìn si kú a dzə e věn meliv.

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

Aysaya 55:3

Éè wìr vem, vèn yuúrí kijuŋ, vèn wiy, e yèn mo. Vèn wiy fo mǒ wùn, e fíʼ wìy bonén, e shiíy. A vèn yiì bèy, bo m wíy gwàr *mensaŋ vèsən, mensaŋ, a mè wíy a tiy fo, e dù, e jòʼsì. Dzə̀ koŋ ye ruú, a dzə̀ yíwun ye mò‑oò kàʼàn Davir sho, e kfə̀n lìʼ.

2 Timoti 1:5

M lóo kwàʼtì wò, m kù a kuumé mo wò‑oò tatin shilív shé, e wày e Nyùy wùn, a yu a dzə̀ fó fo. Dzə̀ mo Looy woo yeè yè won wùn Yunir woo yè won‑eè yii, a m kì féyì ji dzə̀ sáa kíwun ke à yii lèn.

Ŋgàn 22:6

Ku mèrìr wán a dzə̀ e liì wo juŋ, wù wíy kúyí, é la wù yòʼ màʼtì liì woo shooy.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

Kèʼlo 18:19

M shòʼ ne wun ji wù wáa dànèr a wón və́ wùn à rám rəə́ ji á wáa yunín mo, a yiì vinyo tìítiy là jay, é m fiʼ wìy yiì kinyo kidzə̀m ke mò‑oò kàʼàn wun sho.»

Nsùyrì Nyùy 119:168

M yúnin ntò sé se yeʼéy, à vinyo ve à dìnèn ví vidzə̀m, bìʼ fo à yén yii yém e dzə̀m.

Ŋgàn 23:26

Wan wòm, tiír vifií ví e mǒ wùn, e lì liì a dzə̀ wóom.

Atǎr Nsaʼ 13:12

Manoa dzə́r shó jii, «Kinyo ke à suuyin kin ki yíi fəə ji ke ru kí, bo dzəʼə̀m wan və̀ne wíy a dzə e le, a wù wíy a lìm a dzə̀ ka?»

Nsùyrì Nyùy 119:144

Vinyo ve à foon ví kù dzə̀ là nsem, e dù, e jòʼsì. Ku fò mo vifií, é m fíʼ a dzə e tin.

Ŋgàn 3:2

Sí yíi sə wò, áà wáa ker dzəʼə̀m ye dáa, e sə wò, áà wáa ker dzəʼə̀m ye juŋe.

Jeremia 38:20

Jeremia bìnèr jii, «Á yòʼ wíy way a fon e wír vee shooyí wo. Kí dzə̀ á ji fòn ku yùnín a dzə̀ á kinyo ke Nyùy Tàr ke m tiisin á e wun, é vinyo ve fòn vi nèn wìy a ghan a kijuŋ, é dzəʼə̀m fòne wáa dzə a e kiŋsìn.