Ŋgàn 4:27 - ŊWÀʼ NYÙY

²⁷ Kú a ghan a dzə̀ e Nyùy mbòv, a yen fóo bìn, e koy yìyí, kìn wó ŋkoòvìi. Kú a bàʼàr dzə́ə sé kisaŋ si sidzə̀m.

Ŋgàn 4:27 Referans Kwoze

Remrí 5:32

Mooser kfə́n a yòŋ jii, «Wír veé Isray, kù dzə̀ cáʼ ji vèn ku wày ŋàŋ ji á wáa yiì a dzə̀ mo Nyùy Tàr woo Nyùy won yòŋèn e vèn. Lá vèn yòʼ shòʼór nsər rə yìmòʼ, e bàr ŋwàn.

Joshua 1:7

Dzə̀ cáʼ ji à ku kùr a dzə̀ á tím, e wày ŋàŋ. Ku yèn ji à kú a yunín a kinyo kidzə̀m keé Ŋwàʼ Nsər wo Mooser woo ŋgaà lìm wom‑eè foon e wò, a yiì réŋréŋ mo kí dzəə̀n. Lá à yòʼ bìn ndzə̀m e yìmòʼ yee ntir, é dzə́ə sé si nèn a ran e kirə̀ʼ kidzə̀m ke à du sho.

Remrí 28:14

Lá vèn yòʼ wìy shòʼór nsər yìmòʼ fo se m fó e vèn lán si. Lá vèn yòʼ a bìnbìn, e dù, a ghvəm anyùy ámóʼó, a lìm fo áwune.

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Aysaya 1:16

Vèn fə́tí wó yéné fó yiì ye bií, e lèm vitú vén, é ví wáa dzə viránén. M yòʼ dzəə́ taʼ, e kfə̀n yen, a vèn buʼ kinyo. Vèn ku neèr yii ye bií,

Ŋwàʼ woó Rom 12:9

Vèn wáa kòŋ wíri rú e shilív shí, lá vèn yòʼ a suúy a dzə̀ fó shuù. Vèn wáa leʼ kinyo ke bi kí, a ghar a dzə̀ ke juŋ ki.

Ŋgàn 1:15

Wan wòm, aá lò a yòŋ bèy, lá à yòʼ shèm ŋgoo yev. Tín kiwuú kí fo áwuné bàm.