Ŋgàn 4:26 - ŊWÀʼ NYÙY

²⁶ Á tiír kiwuú ké ki, a fìʼ, áà bóo fíʼ a ghan kijuŋ.

Ŋgàn 4:26 Referans Kwoze

Hibru 12:13

Vèn wáa ghan lèn a dzə̀ é dzəə see tìítiy, é wìr wo wù teesì bìʼ fo wù‑uù ghán e kighìn, bónén lèn bónmén, e làa yòʼ màysì, e kivkír.

Nsùyrì Nyùy 37:23

Kù yii danèr Nyùy Tàr wír wo wù yúnin wun. Wù danèr ŋgaàŋ mo wù wáa tiír kiwuú kfə́, shéʼri wun mo wù ghán e wun mbòv.

Nsùyrì Nyùy 119:5

M diy feyì ji m wáa ghan a dzə̀ e wò mbòv, a yunín sáʼ yé ghán sidzə̀m.

2 Tesalonika 3:3

Fo vèn, vèr nén a tiír vifií ji Taàtá Jesus kù wíy a tavír a ven, a shìy ven fo Satan woo ŋgaà vinyò ve bi ví. Dzə̀ kinyo ke wù‑uù kàʼàn, a bó yòʼ dzə̀ wù lòʼ ven.

Hagay 1:5

Mo woo Nyùy Tàr woo Taà Mànjòŋ, m nén a suúy jii, vèn tar dzəʼə̀m yéné.

Hagay 1:7

«Mo woo Nyùy Tàr woo Taà Mànjòŋ, m suuy jii, ‹Vèn tar dzəʼə̀m yéné.

1 Tesalonika 3:13

Vèn lóo yiì bèy, é wù nèn a tavír melív men, é vèn wìy a dzə wír Nyùy ŋkuuŋkùŋ. Wíy lóo dzə e ghan se wun woo Taàtá wòsən Jesus wíy a wìy wùn à wír vəə́ adzə̀m, é vèn nèn a tiy sa e Nyùy woo Tàr wòsə́n si, là nsem.

Efesor 5:17

Kí nén a dzə jii, lá vèn yòʼ a yiì kinyo a là vifií. Vèn wáy a dzə̀ vifií ví ji vèn kiíy á kinyo ke Nyùy taʼ ji vèn wáa yiì.

Esiker 18:28

Mo wù rə̀mèn ne yii rə́ ye bií ntéŋ, e bìn ndzə̀m é vinyò ve wù‑uù bùʼtìn vidzə̀m, bo wù kù yíi a dzə sho e tin. Bó yòʼ dzə̀ wù kpù.

Nsùyrì Nyùy 119:59

M lóo kuumé yii yém, m nèn bìnkìr, a jùmrì vinyo ve à foon.

Ŋgàn 5:21

Kiíy jii, Nyùy Tàr kù leey njiìn wìr dzə̀m, kaʼày mo ghán yéví dzəə̀n.

Efesor 5:15

Vèn ku nèn a tiír rì kiwuú kén, a fìʼ, a ghan moo wír ve á kér vifií, e làa yòʼ a ghan moo viyúŋ.

Ŋgàn 5:6

Wù yòʼ tíy e dzəə ye a wìr ghán sho, wù wàa ker dzəʼə̀m ye juŋe. Wù shwèy ne dzə́ə yee shooy, a bó wù yòʼ fə̀m gwarìrì.

Nsùyrì Nyùy 40:2

Wù fəə́r mo fó bií kishàʼàr, fo kishàʼàr keé shàʼ, e tìír mo a dzə̀ é kitu ke kilan, m wáa ghan là kinyo ké a fàn.

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Ŋgàn 4:25

Ku tùytí síi, a leéy a dzə̀ fó mbìy. Lá à yòʼ rə̀ʼ sí, e bìn fo səné.

Ŋgàn 15:21

Yú mbuù vifiì vijuŋ e wun kiyuŋsì, a fiì yii kfə́ kinyo tìítiy.

Ŋgàn 21:29

Wìr wo wù méŋ Nyùy kù yii fə́ti a dzə̀ sí, a wìr woo tìítiy ku yii sayrì dzəʼə̀m rə́.

Ŋgàn 23:19

Wan wòm, yuúrí ntir yem, a ker vifií ví, a tiy a dzə̀ é kinyò ke ru kí.