Ŋgàn 4:23 - ŊWÀʼ NYÙY

²³ Kìm kitú ké ki fó yiì ye bií, ku kìm, bìʼ fo yíi wìri kù lo a dzə̀ fó kinyò ke wù kwàʼtìn.

Ŋgàn 4:23 Referans Kwoze

Ŋwàʼ Luk 6:45

Vèn wáa kiíy jii, lóo dzə wír wo runen vinyo ve juŋ vi e wùn shiliv, wù nèn a suúy sa vinyo a dzə̀ ve juŋ vi. Lóo dzə wo runen vinyo ve bi ví e wùn shiliv, nèn a fəə kinyo ke bi kí fó shuù wo. A kí dzə̀ bey, bìʼ fo kinyo ke kí runen e wìr shiliv kí kù dzə̀ kíwun ke kí fəə́ fo shuù wo.»

Ŋgàn 13:3

Wìr kim shúu və́, wù kìm kitú kfə́, wìr mvəʼ shuu, lem e rə́, wù màʼày kitú máʼayin.

Jeremia 17:9

«A dzə̀ kìíy la mo shilív shé wìr shi dzəə̀n? Kifá ki yòʼ dzə̀ shó ke kí kér kimboʼtì moo wun. Yàsí və tàv féyì fo á fer.

Matio 15:19

Kí kù yii lo a dzə̀ fó shiliv, bo wìr wáa kwàʼtì vinyo ve bi ví, lo, wù yùyrí wír, lo, wù lì wiiy wìr, e kfə̀n a jàŋ kinjàŋ, a ghan viŋkar. Wù lo, wù wàa shoŋ vishóŋ, e kfə̀n a toy wír e kinyò kisáŋ, a suʼ kinsuʼ.

Ŋgàn 23:19

Wan wòm, yuúrí ntir yem, a ker vifií ví, a tiy a dzə̀ é kinyò ke ru kí.

Ŋgàn 28:26

A wìr tiir vifií a dzə̀ é kinyò ke kwaʼtì wun, bo ŋgaàŋ dzə̀ kiyúŋ, yii bèy, a wìr tiir kiwuú kfə́ fiʼì, bo wù yíi bàʼàr vishí ve bi ví.

Maak 14:38

Vèn wáa kìʼ, a bùnrì fo vinyo ve ví mum ven ví gháʼ ven. Vèn wáa kiíy ji mo shilív shí fə̀m koŋ fó yiì kinyo, wúné waà sháʼninè.»

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

Hibru 12:15

Vèn wáa yen fo wìr maʼay Nyùy, e ràn kilíŋ ke wù bùʼùn wun sho, a yen sa fo wìr wáa màʼ ŋgoòy kinyò ke bi kí, é kí ram e věn mvəm, e bìvír wír anín.

Ŋgàn 4:7

Bó kinyo kímóʼ kí yòʼ kfə̀n dzə̀ shó e shií, e shaà ji wìr keérí vifií ve ví lo fo Nyùy. A dzə̀ à wàa ker vifá vidzə̀m, yii bèy, a vifií ví shaà kidzə̀m.

Ŋgàn 3:21

Wan wòm, á tiy e vifii ve ru ví, a kiíy jeéyjeéy fó vinyò. Á yen fo vifií vin ví fəə́ fo wò kitu.

Ŋgàn 22:5

Dzə́ə sé ayìíkum sí dzə̀ vitám vitám, a dzə njoŋ njoŋ, wìr kim kitú kfə́, wù bàʼàr.

Ŋgàn 11:16

Wiíy tó sí, á wàa ghvəm wun, lùmèn kù a kàtìr kfə́ kátirin, e bóo kùʼ.

Ŋgaà Tàrvìnyò 5:13

M lèéy, e yèn kinyo ke bi kímóʼ kí ke kí kooy e sar shùy fèn, a kí dzə̀ jii, ŋgaà mbàm lo, wù wàa bonén, a lèm mbàm sə́, a sí lo, e nèn fo wun a dzə̀ nyár.

Matio 15:18

Kifá ke kí bívir wír ki dzə̀ kinyo ke kí fəə́ fo ŋgaàŋ shuù, bìʼ fo kí lo a dzə̀ fó shiliv.

2 Afòn 10:31

Yii bèy, la Jehu yòʼ fə̀m a mùm ji wun wáa ghar a nsər se Nyùy Tàr woo Nyùy wìr veé Isray shilív sə́ shidzə̀m. Wù yòʼ‑oò lo màʼtì vinyo ve bi ve Jeroboam‑eè yii, kfə̀n domsì wír veé Isray, aá yii.

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.