Ŋgàn 4:18 - ŊWÀʼ NYÙY

¹⁸ Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Ŋgàn 4:18 Referans Kwoze

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Ŋwàʼ Jov 11:17

Dzəʼə̀m yée wíy a ban moo shúy, é ŋgeʼ sé si binkir é vijùŋ, mo ndzə ye sənér bìnkìr e ye ranén.

Daniel 12:3

Wír ve á kiiy jeéyjeéy fó vinyòo wíy a dzə kév, a ran, a njàʼkìr moo rán ye yí fəə́ fo kikùm keé yuv. Áwune vin ve á danèr wíri, aá yii mo Nyùy taʼàa wíy a ban moo mejiy, a ban bèy, e dù, e jòʼsì.

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

Filipi 2:15

é vèn nèn a dzə e wírí si là njò, e làa yòʼ a ker nsem yìmòʼ gheéy. Vèn lóo yiì bèy, é vèn nèn a dzə wír Nyùy ŋkuuŋkùŋ, là jay e ndzə ye wíri yii joonè shó, kér melív me bi mè rə̀n. A vèn yíi a njàʼkìr e wír vee shooyí mvəm moo mejiy,

2 Pita 1:19

Mo vèr yenen bey, vèsən nèn màysì, e kìíy mo vinyo ve aŋgàa ntum Nyùyi‑iì fiʼtì vi dzəə̀n. Kí nen bòŋ ji vèn yuúrí vinyo ve áwune‑eè fiʼtì vìn vidzə̀m kijuŋ. Ví dzə̀ moo kikaʼày ke kí kaʼày ven, e meé e ghan se ndzə yíi ran, é Jesus kfə́n moo sàŋ wo wù lo fo tsən, ndzə nèn ràn. Wù kfə́n bèy, é melív men mè nèn yèn rán.

Matio 5:16

Kù dzə̀ sá mo vèn wáa fo rán e wíri. Vèn wáa dìn wíri a dzə̀ vinyo ve ru ví, á lóo yen, aá wáa burí Tàr won wo wù dzəə̀n é yuv.

Matio 5:14

«A vèn kfə̀n dzə̀ moo kikaʼày ke kí kaʼày wír veé ndzə. Vèn kì sá jii, láʼ ye á bàʼrìn é kitu ke gwane yòʼ yii laynìnè.

Nsùyrì Nyùy 84:7

Vitaáví vév ví kù kúy, du duùn fó mbìy, aá kù yíi dù, e yen Nyùy e Sion, wun woo Nyùy wo wù shaàn anyùy adzə̀m.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

2 Samuel 23:4

wù wàa dzə moo ndzə ye yì rán kijàvndzə, a dzə moo kintoshùy ke mbàʼ si yòʼ dzəə̀n é yuv, a dzə moo wuú ye yí ló, shùy lóo ban, vikwiíy ví wàa tokír.›

Ŋgaà Yen 22:5

Nyùy Tàr, wun woo Nyùy wíy kàʼày áwune, é la ndzə yìmòʼ yòʼ kfə̀n a dzə ji yee vitsə́ʼ, é bo á wáa tàʼ kikaʼày, kìn ji á wáa shìy ji shùy tó. Áwune wíy a dzə fo lèn ji rám vifòne, a saʼ vifon vév ghán sidzə̀m, viyá viyá là may.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Ŋgaà Yen 21:23

Wír vee fóo yòʼ dzəə́ kér shií é ŋwee, kìn shúy, bìʼ fo rán ye yí lo a dzə̀ fo Nyùy wùné bán fo ghán sidzə̀m. Wàn Njiì Nyùy kfə́n a dzə kikaʼày ke kí kaʼày fó.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Ŋwàʼ Jov 23:10

Ke m kiìn kí dzə̀ jii, wù kì dzə́ə ye m shoʼon, a ghan sho, a wù yíi tàr kinyo kém, é m fəə́sín moo *kisha ke mbàm ke baar kí.

Matio 5:45

Vèn lóo yiì bèy, é vèn nèn a dìn ji vèn dzə̀ rú wón Tàr won wo wù dzəə̀n é yuv. Dzə̀ wun wo wù yii, a ndzə rán wír adzə̀m. Yì rán sa wír ve á yii vinyo ve bi ví réŋréŋ mo yì rán ve á yii ve juŋ vi. A kù dzə̀ mo wù yii, a wuú ló e wír ve á méŋ wuné sum réŋréŋ mo yí ló e ve á yú wuné sum.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Nsùyrì Nyùy 97:11

Wír vəə́ wáa sheʼrí wun mo á shéʼri ndzə ye yì ráné. Wír ve melív mev mè dzəə̀n tìítiyi wáa yu vijuŋ adzə̀m.

Ŋgàn 2:9

Aà jùmrì vifií ve ví lo fo Nyùy, bo à yíi kiíy mó a tiír kiwuú ké, a fìʼ ghán sidzə̀m. À yíi a kiíy vinyo ve dzəə̀n ve ru ví. À yíi a kiíy mó a tinén vinyo e nsànloŋ, là kiloʼ.

Ŋgàn 2:20

Aà jumrì vifií ve ví lo fo Nyùy, bo à yíi a ghan e dzəə ye wír ve juŋe tiir kiwuú kév shó, bo à yíi a dzə dzəʼə̀m yee là nsem.

Ŋgàn 13:9

Wìr yúnin Nyùy, wù wàa dzə moo kikaʼày ke kí bán kijuujùŋ, a wo wù méŋ Nyùy dzə̀ kfə́ moo kikaʼày ke kí sí ndzə́menè.

Ŋgàn 15:24

Dzəə̀ wìr woo fií kù yii danèr wun a dzə̀ é dzə̀ʼə̀m ye dáa, kiŋsìn wun fo wù du áàŋkfəə́ wòŋ.

Atǎr Nsaʼ 5:31

«Éè Nyùy Tàr, ku laàr aŋgaà vé vibàné adzə̀m láarin moo Sisera, é wír ve á koŋ wòo wáa dzə moo shúy ye yì tó kijàvndzə, yì kù nèn a ban a dù duùn fó mbìy.» Á bèy, nyaáŋ ku nèn a dzə e nsay Isray kiyá mkweè.