Ŋgàn 4:17 - ŊWÀʼ NYÙY

¹⁷ Viyíkìr vév ví kù dzə̀ ji á buʼ kinyo, a meluʼ mev mè kù dzə̀ ji á maʼ melaà.

Ŋgàn 4:17 Referans Kwoze

Mayka 6:12

Aŋgàa mbàm vén veé Jerusaleme bóʼ aŋgàa kitàn, a wìr dzə̀m woo fó kù sí bóʼti a dzə̀ kimboʼtì, a shuu wóví kù ŋeʼ ji á bóʼtí wír.

Nsùyrì Nyùy 14:4

Nyùy Tàr gháy jii, «Wír ve á buʼtì vinyo vìn adzə̀me yòʼ kér vifií a? Á nəʼsì wír vém, yí vifá a dzə̀ ve á faàsìn fo áwune, a bó á yòʼ yii bunrì sa mo woo Nyùy Tàr.»

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

Tsəfaniya 3:3

Və́ vé saʼa nyamkìr moo abvərə̀ʼ, wír və́ ve á tínen nsaʼa dzə̀ akoosàʼ, á yí kifá, e làa yòʼ a ber kee kibvəə́shí.

Mayka 3:5

Nyùy Tàr nén a suúy kùm aŋgàa ntum kimboʼtìi jii: «Áwune taʼ kév ji wír vémé jáy dzə́ə. Wìr wáy shuu wóv, á nèn a kàʼ mo Nyùy yíi səə̀vì ŋwérín, é wù wáa dzə e vijùŋ. Wìr tén fóo fo kòyàr, á nèn a fìʼ rə́mrə́m kinyò wo Nyùy yíi yiì e ŋgaàŋ.

Ŋgàn 20:17

Wìr lóo yi vifá ve yi ve shwivìn ví, ví wàa nyòm, e bǎm shintàm, ví nèn kfə̀n mo wù wày a dzə̀ waár é shuù.

Ŋgàn 9:17

«Mendzə́v me shoŋén mè nyòm jeéy, a viyíkìr vee yí é kilìr vi rə̀ʼtìn sa kfə́ jeéy.»

Ŋgàn 13:2

Wìr wo juŋ yú vijuŋ, bìʼ kisúŋnìn kfə́ ke juŋ ki, a ŋgaà menàŋ kù yáŋri kfə́ a dzə̀ melaà.

Mayka 7:3

Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

Aysaya 5:18

Lòné dzə̀ wó wìr ve á bóʼti vitú vév, lór vinyo ve bi ví é wùn mo á kùr áwune shó kurín áàkfə̀ə́. Áwune kù səŋ vinyo ve bi ví é wùn, kù moo ji á səŋ a dzə̀ e kfəə̀ nàʼ.

Aysaya 5:20

Lòné dzə̀ wó wìr ve á bínsi kinyo ke bi kí bínsín ji ke juŋ ki, nyaysì ke juŋ ki nyáysin ji ke bi kí. Áwune yoŋ ndzə ye ranén ji vitsə́ʼ, yoŋ vitsə́ʼ ji ndzə ye ranén. Wìr yén kifá ke shiʼirín kí, wù yòŋ ji ke nyomèn kí, yén ke nyomèn kí, wù yòŋ ji ke shiʼirín kí.

Jeremia 9:4

«Wìr wáa kiíy kfə́ə ŋkar ye wù koó. Lá wìr yòʼ a way shilív e fər və́ wùn. Fər wìr kù sì ŋgaà kimboʼtì e wìr bàm moo Jakov, a ŋkar wìr kù sì ji ŋgaà kinsuʼ.