Ŋgàn 4:16 - ŊWÀʼ NYÙY

¹⁶ Bó yòʼ dzə̀ áwune yù fóo cuʼ kinyè é nsay, a bó á búʼ rə́mrə́m kinyò. Á neemè, mbuùné sí kù a kaŋ fo si ji á ku wày wír e kinyò.

Ŋgàn 4:16 Referans Kwoze

Nsùyrì Nyùy 36:4

Wù lóo neŋ e kikun, wù wàa baʼtí a dzə̀ kighèʼ. Wù kù sí taʼ a dzə̀ dzə́ə sé kisaŋ si. Jòkìnyàʼ, bó wù yòʼ bin ndzə̀m é yiì ye bií.

Mayka 2:1

Ŋgeʼ dzə̀ ye wìr ve á táŋ a dzə̀ kinyo ke bi kí. Wír ve á lóo neŋ e kikun, á kù a baʼtí a dzə̀ kighèʼ, ndzə javì, á nèn kèʼ a bùʼtì vinyo ve vé‑ee siyin, a ba vitsə́ʼə́, bìʼ fo áwune kér vitaáví ve dzə̀ á yiì kinyo ke áwune koŋè.

Aysaya 57:20

Yii bèy, wír ve á méŋ Nyùyi yòʼ dzə̀ á wìy a ker meemè, réŋréŋ moo rìbà ndzə̀v wo wù kù yii binkìr bìnkìn, tsə́yninè, lóo tsəynín, wù wàa fəə́r kishaʼàr wùn à ŋaʼrì sí é meshavtí.

2 Pita 2:14

Wìr yén wiíy, wù kù a leéy a dzə̀ e sí yímóʼó. Vifií vév ví kù tíy a dzə̀ é vinyò ve bi ví ghán sidzə̀m. Áwune yén wír wo bó wù yòʼ kiìn fo wù dzəə̀n, á nèn bòʼtí, e wày é kinyò ke bi kí. Shií wov kù dzə̀ ji á leeri wír, e kòóy kifá. Á yii bèy, a lǒn Nyùyi koò ne áwune.

Ŋgàn 1:16

Wír ve bi víne yòʼ tíytiy fóo yiì kinyo ke bi kí. Áwune kù dzə̀ kibáʼtín fó teʼ wír, e yuyrí.

Ŋwàʼ Luk 22:66

Yì rán kibvəə́shí, atǎr wòŋ wùn à vitú ve atàá cù, à wír ve á yii duŋrì nsəri tár aáwuné kirə̀ʼ ké dzə̀ʼə̀m. Á nèn kòʼór Jesus fo si,

Joon 18:28

Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.

Ŋgàn 4:15

Lá à yòʼ bìʼnìn liì wov kisaŋ, ku ŋwày ŋwáyín, e bìn ndzə̀m, a dù ye yee dzə́ə.

Mayka 7:3

Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

Nsùyrì Nyùy 36:3

Wù mvəʼ shuu, kù fəə̀ kinyo ke bi kí, lóo suŋnín, kù a fəə kimboʼtì, a bó wù yòʼ dzəə́ yii yii ye juŋe moo fií.

Ŋgàn 2:14

Áwune yú vijuŋ e vinyò ve á buʼtì, tiir vifií a dzə̀ é vinyò vee yiì e kúmé.

Jeremia 9:4

«Wìr wáa kiíy kfə́ə ŋkar ye wù koó. Lá wìr yòʼ a way shilív e fər və́ wùn. Fər wìr kù sì ŋgaà kimboʼtì e wìr bàm moo Jakov, a ŋkar wìr kù sì ji ŋgaà kinsuʼ.

Lim Aŋgàa Ntum 24:7

é bo Lisiar woo kitú ke vé rərí tó fó, e faàsì fo věr wo,