Ŋgàn 4:15 - ŊWÀʼ NYÙY

¹⁵ Lá à yòʼ bìʼnìn liì wov kisaŋ, ku ŋwày ŋwáyín, e bìn ndzə̀m, a dù ye yee dzə́ə.

Ŋgàn 4:15 Referans Kwoze

Efesor 5:11

Lá vèn yòʼ wày kiwó e vinyò ve wír ve á ghán e ndzə vitsə̀ʼə́ yii. Vèn wáa fo áwune a dzə̀ rán, aá wáa yen ji vinyo vee shooy vi dzə̀ á joonè.

1 Tesalonika 5:22

a baàmè kfə́ə vinyò ve bi ví vidzə̀m.

Ŋwàʼ Jov 22:23

Aà kfə̀n fo Nyùy woo Ŋgaà Vitaàví Vidzə̀m, bo wù yíi siìr vijuŋ vé fo. Kí dzə̀ ji à ku kìír a kinyo ke bi kí fo wò laʼ,

Ŋwàʼ Jov 11:14

Wáa dzə, aà yií ne kinyo ke bi kí, à tsə̀ʼ, e neèr kwaʼda. Lá à yòʼ fò kintóʼ, é yii ye bií nəə́ e wò lav.

Ŋwàʼ Fəə 23:7

Lá vèn yòʼ tòy wír e kinyò kisáŋ. Vèn wáa yen fó yiì, aá yúyrí wír woo là njò, a bó wù yoʼ jày kinyo. Bó m yòʼ wíy màʼtì wír wo wù yiìn kfə́ə kinyò ke bi kee bey.

Aysaya 33:15

Kù dzə̀ kfə́ə wìr wo wù yúnin Nyùy, ghán e wun mbòv, suuy kinyo a dzə̀ ke ru kí. Wír, a wù ŋwáy seʼ mbóʼmé ŋwayín, tén fó a sə kòyàr. Ŋgaàŋ yòʼ kóŋ yu kinyo kee ji á yúyrí wír, kù fə́ti wó rə́ fətín fó kinyò ke bi kí.

Ŋgàn 6:5

Wan wòm, sòsìn fó wo wo moo njà wo wù sòsìn fo ŋgaà jwim wo, à moo shinə́n she shí sòsìn fo ŋgaà kèr wo.

Ŋgàn 5:8

Kíŋrí fo kfə́ə wiíy woo bey ghaŋ, a yen fóo meʼ mentsə̀m me lav rə,

Ŋgàn 4:14

Lá à yòʼ shèm ŋgoo wìr ve á méŋ Nyùy, kìn ye wìr ve á kér liì kisaŋ.

Ŋgàn 4:16

Bó yòʼ dzə̀ áwune yù fóo cuʼ kinyè é nsay, a bó á búʼ rə́mrə́m kinyò. Á neemè, mbuùné sí kù a kaŋ fo si ji á ku wày wír e kinyò.

Ŋgàn 1:15

Wan wòm, aá lò a yòŋ bèy, lá à yòʼ shèm ŋgoo yev. Tín kiwuú kí fo áwuné bàm.

Ŋgàn 24:1

Lá à yòʼ a yu nyár wìr ve á yii vinyo ve bi ví, kìn ji à wáa ker shií ji vèn áwune wáa dzə.