Ŋgàn 4:13 - ŊWÀʼ NYÙY

¹³ Ku ghàr kinyo kee ji ntir ki, e lùm, e kpù shó. Ku kòytí, bìʼ fo siìn dzəʼə̀m yé.

Ŋgàn 4:13 Referans Kwoze

Hibru 2:1

Mo Wàn Nyùy shaàn vifá veé yuv vidzə̀m, vèsən ku nèn màysì, e wày vifií é kinyò ke vèsən‑eè yuun fo wun, fó bìn e dzəə ye sən.

Ŋgàn 3:18

Ví dzə̀ rú kicí ke wìr yí, wù kòóy dzəʼə̀m, a bòŋ ké wìr ve á lumen, e kpù shó.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Remrí 32:47

Bó nsər sìn si yòʼ dzə̀ kilélé kén. Dzə̀ dzəʼə̀m yén féyì feyì. Vèn lóo lèm, é vèn wìy bònen shìíy e nsay ye vèn líysin ndzə́v yee Jordan, e yòv.»

1 Tesalonika 5:21

Vèn kú a saáy vinyo ve vèn yii vi vidzə̀m, a lèm ve juŋ vi,

Lim Aŋgàa Ntum 11:23

Wù dù, e mèé fo, e yèn mo Nyùy bùʼùn wír vìy e vijuŋ vi, wù wáa sheʼrí, a tir áwune ji á kú a tiy a wùn à Taàtá Jesus shilív shimòʼón.

Lim Aŋgàa Ntum 2:42

Á ku nèn a yu kinyo kimòʼón a dzə̀ ke aŋgàa ntum Jesuse yéʼeyì, wùn áwune wáa ghanén, a yinín kikóŋ, a bùnrì amòʼón.

Joon 6:68

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

Yòv Viŋgér 3:4

Mo vèr áwune kù javsìnè, m nen tò é wùn wó, e sìr, a ker ji ŋkǐŋ, e làa yòʼ màʼtì ji wù shóʼ kiwuú, a bó m lí wun, e dù sho e yè wór lav, e nəə́ sho bèn e wàn lav fo vé‑eè koʼon kikún kém.

Ŋgaà Tàrvìnyò 7:12

Vifií ví kiŋsìn wír, a mbàm si kiŋsìn wír. Yii bèy, a seʼ vifiì dzə̀ ji ví kiŋsin ŋgaàŋ, fo dzəʼə̀m rəə́ bír.

Ŋgàn 3:22

Ví yíi a dàrìr dzəʼə̀m yé, e sə wò, áà wáa ker dzəʼə̀m ye juŋe.

Kèʼlo 32:26

Wù nèn sùúy jii, «Màʼtì mo, é m wáa dù, ndzə sí ráné.» Jakov bìnèr sho jii, «Bó yòʼ dzə̀ m màʼtì wò, à wàa dù, a bó à səə́ví mo.»

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Ŋgàn 6:23

Nsər se tàr won sí dzə̀ kikaʼày ké, ntir yè won, rán ye yí kaʼày wuú yé, a naarì ye á naarì, kfə̀n sər wòo fó wò dzəʼə̀m.

Ŋgàn 8:35

Wìr wo wù taʼ mo, yéné, ŋgaàŋ yíi a ker dzəʼə̀m ye dáa, é Nyùy Tàr wáa leéy wun, a kòŋ.

Ŋgàn 10:17

Wìr yuúri ntir, wù bònen shìíy, ŋwáyí, wù bìn é dzəə ye bi.