Ŋgàn 4:12 - ŊWÀʼ NYÙY

¹² Vifií ví yíi sə wò, é kinyo ké kidzə̀m ki shémsín, à lóo ghan, é la à yòʼ bàyrìn.

Ŋgàn 4:12 Referans Kwoze

Ŋgàn 3:23

Ví yíi a kìŋsìn wò, áà wáa ghan kijuŋ, a bó à yòʼ yíi bàyrìn.

Nsùyrì Nyùy 18:36

À fò mo kirə́ʼ é shùu rər, wuú yémé tiím, la m yòʼ lèrìr.

1 Pita 2:8

Kí kfə́n a dzə mo vé‑eè saŋen sá jii: «Tíy rəne wíy a yiì, é wíri wáa bàyrìn sho. Kilán, a wíri wíy a gbùkìr sho.» Á ku nèn a bàyrìn sho bèy, a dzə̀ bìʼ fo á tenen fó yu jí Nyùy, réŋréŋ mo Nyùy‑iì sìysìn ji kí wíy koóy áwune.

2 Samuel 22:37

À fò mo kirə́ʼ é shùu rər, wuú yémé tiím, la m yòʼ lèrìr.

Ŋgàn 4:19

Dzəʼə̀m wìr ve á méŋ Nyùyi dzə̀ moo ndzə vitsə̀ʼ ye yì sə́n ji cùm. Á lo, á gbù, e làa yòʼ kiíy kifá ke kí màʼàn áwune.

Jeremia 31:9

Áwune wíy a wìy, a dìy, a mbaà a dzə̀ mo, a m lí ne áwune, a kfən sho. M wíy dànèr áwune, e shaà sho e ghaŋ se ndzəv, e dzəə ye yì dzəə̀n ben ji fèm, fo bó yòʼ dzə̀ wìr gbù. A dzə̀ bìʼ fo m dzəə̀n tàr à Isray, a Efrayim dzə̀ wán wom mbìy.

Ŋgàn 6:22

À yií lóo ghan, é ví wáa dànèr wò, lóo buuné, é ví wáa kìŋsìn wò, yimènè, é ví wáa tir wò.

Nsùyrì Nyùy 119:165

Wìr dzə̀m wo wù koŋ Nsər yè kér nyaáŋ ŋkuuŋkùŋ, a bó kifá ki yòʼ dzə̀ shó, ke dzə̀ kí yiì, áwune bàyrìn.

Nsùyrì Nyùy 119:45

a ghan, a wàrkìr, bìʼ fo m yú a dzə̀ fó ntò sé se yeʼéy se à foon e mò.

Ŋgàn 2:9

Aà jùmrì vifií ve ví lo fo Nyùy, bo à yíi kiíy mó a tiír kiwuú ké, a fìʼ ghán sidzə̀m. À yíi a kiíy vinyo ve dzəə̀n ve ru ví. À yíi a kiíy mó a tinén vinyo e nsànloŋ, là kiloʼ.