Ŋgàn 4:10 - ŊWÀʼ NYÙY

¹⁰ Wan wòm, yuúrí, sə́ ntir sém sí, é dzəʼə̀m yée wìy dàr.

Ŋgàn 4:10 Referans Kwoze

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

Ŋgàn 3:2

Sí yíi sə wò, áà wáa ker dzəʼə̀m ye dáa, e sə wò, áà wáa ker dzəʼə̀m ye juŋe.

Remrí 6:2

Á bèy, é vèn à wón véné, à wón won véné nèn a ghvəm Nyùy Tàr woo Nyùy won, a lèm nsər sə́, a yu sáʼ rə́ ye m fó e vèn. Vèn kú a lèm, e dù, e meé mo vèn dzəə̀n shó, e fíʼ wìy bonén, e shiíy.

Jeremia 9:20

M nèn yòŋ jii, «Éè vikìy, vèn yuúrí, e yù jí Nyùy Tàr. Vèn mvəʼti vituʼùr vén ví, e yuùrí kinyo ke wù suuyì. Vèn yéʼéy wón vén vee vikìy mo á diy kpú, é wìr yéʼéy ŋgaà və shùu lav lúŋ kpu.

Ŋgàn 3:16

Vifií ví fó dzəʼə̀m e wìr a dzə̀ ye dáa, buʼ wun e vikuʼùy ví wùn à ghvə́me.

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Ŋgàn 8:10

Shóʼ ntir sém sí, e shaà *kisha ke mbàm ke fəvír kí, shóʼ vifií ví e shaà kisha ke mbàm ke baar ké ntay ki.

Ŋgàn 19:20

Yuúrí ntir, e səə̀sí naarìi, à wíy lóo dzə̀n, áà wáa dzə fií.

Ŋgàn 2:1

Wan wòm, ku yù jí sém sí, e lèm ntò sém sé yeʼéy si.

Ŋwàʼ Jov 22:22

Kii wò, ku yuùrí ntir se sí fəə́ fo wun shuù, e lèm jí sə́ sí e wò shiliv.

Remrí 5:16

« ‹Ghvə́m tàr won wùn yè won mo Nyùy Tàr woo Nyùy won yòŋèn e vèn, áà fíʼ a dzə dzə́ ye juŋe, e wìy dzə̀ʼə̀m ntàmda e nsay ye Nyùy Tàr woo Nyùy won sí fó e vèn.

Remrí 11:21

Vèn ku wìy a yiì bèy, ji vishiíy vé vèn à wón vén ví fiʼ wìy dàr e nsay ye Nyùy Tàr‑iì kàʼàn atàr vén shó, é vèn wìy dzə̀ʼə̀m fo, e wìy dù, e meé mo yúv wùn à nsay wíy dù, e jòʼsì.