Ŋgàn 30:9 - ŊWÀʼ NYÙY

⁹ Lá à yòʼ fò, é ví kuʼnin, fo m wáa meŋ wò, a suúy ji Nyùy Tàr dzə̀ la? Lá à yòʼ yiì, é m wáa tàn kitan, fo m kfə́n ji shóŋ, e shoór wò woo Nyùy wom.

Ŋgàn 30:9 Referans Kwoze

Hosea 13:6

Yii bèy, m yiír ven, vèn yíkír, e kùr, e lò, e kèʼ wún wo yuúné, e nèn mèŋ mo.

Remrí 31:20

M wíy lì áwune, e dù sho e wòŋ wo mò‑oò kàʼàn atàr vév shó. Woŋ, a vín nàʼ wùn à vilu vi tsəətìn fo. Áwune du, e yikír, kúrí, lóo dzə kijuŋ, aá nèn bìn ndzə̀m e mò, e ŋwày mensaŋ mem, e dù, a ghvəm anyùy ámóʼó.

Remrí 32:15

Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Ŋwàʼ Fəə 20:7

«Lá vèn yòʼ yòŋ yír Nyùy Tàr woo Nyùy won kisáŋ, bìʼ fo mo woo Nyùy Tàr wayin ji wír wo wù yoŋ yír yém kisáŋ kù li njò.

Matio 26:74

Pita nèn a kàn kitú kfə́ lèn, a lìʼtì feyì jii, «M yòʼ kì wír woo shó.» Kù mo wù baʼ fo shuù, kiyuú ki nèn tòŋ.

Matio 26:72

Pita nèn kfə̀n shàʼnín, e lìʼ jii, «Bó m yòʼ fə̀m kì wír wo á yoŋ və̀n.»

Joshua 24:27

Wù tuúy, e sùúy e wíri jii, «Vèn yén, tíy rə́ne yíi a dzə njen wòsən, bìʼ fo yí yuun ne jí se Nyùy Tàr yòŋèn e vèsən sidzə̀m. Yí kù yíi a dzə njen won, fo vèn lo, a shwèy Nyùy won, a meŋ wun.»

Ŋgàn 29:24

A wìr suúsin wùn shòŋ, bo wù ban dzəʼə̀m rə́. Aá fə̀m wày wun e vimfar, bo yòʼ dzə̀ wù mùm fóo toʼ kinyo ke wù kiìn.

Cù 5:1

Aá tòóy wír e lav nsaʼ, e shìvìr ji wù tiím vinjen, la wù yòʼ fèr kinyo ke wù yenen, kìn ke wù kiìn, bo dzə̀ jay bèy, a njò yíi a dzə rə́ə.

Ŋwàʼ Fəə 5:2

Farao bìnèr jii, «Nyùy Tàr dzə̀ la, é bo m yú jí rə, e màʼtì wír veé Isray ji á wáa dù? M yòʼ kì Nyùy Tàr, a bó m yòʼ fə̀m‑éè maʼti wír veé Isray.»

Daniel 4:30

Fòn nèn lò, e njàʼàm jii, «Yímóy, ku yèn búʼú, ŋkàlaʼ ye kuʼùn yee Babilon ye m bàʼrìn ji ntoʼ yem kishìíy. M bàʼrì a dzə̀ e vitaáví vém ve ghaʼán ví, a yì din vikuʼùy vém féyì feyì, din viwìr vém vee ji fon.»

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Nsùyrì Nyùy 125:3

Bó wír ve á méŋ Nyùy Tàrí yòʼ wíy gòʼ, a saʼ woŋ wo Nyùy‑iì foon e wír ve á yúnin wune, fo wír ve á yúnin wune səv wó, e nə̀ə́ e liì kisaŋ.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.

Jeremia 5:12

«Áwune bòʼtí ne kimboʼtì e mò woo Nyùy Tǎr bàm. Á yoŋ jii, ‹Yòʼ dzə̀ Nyùy Tàr yiì kinyo e vèr, yòʼ dzə̀ kinyo ke bi kí kòóy ver, a bó yòʼ dzə̀ rə́r sí nə̀ə́ ver, kìn jíŋ.

Esiker 23:35

«Mo wò‑oò ŋwayin mo, e bìn ndzə̀m e mò, ke mo woo Nyùy Tàr woo Taà Ndzə suuy ki dzə̀ jii, ‹À kù yíi baarí lǒn liì joònè wo wò‑oò yii, ghán visàkì.› »