Ŋgàn 30:8 - ŊWÀʼ NYÙY

⁸ Kí dzə̀ jii, kiír lám kisaŋe, à kimboʼtì ki fo mǒ shuù. Kímóʼ kí jii, lá à yòʼ fò mo kitan, lá à yòʼ fò sá vikuʼùy. Ku fò mo vifá ve yi a dzə̀ ve ví gheén mo gheenén.

Ŋgàn 30:8 Referans Kwoze

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.

Ŋwàʼ Luk 11:3

Kú a fo ver vifá ve yi veé kishiíy vishiíy vidzə̀m.

Nsùyrì Nyùy 119:37

Teér sí yémé fó vinyò ve kisaŋ vi. Kìm dzəʼə̀m yémé, é m fíʼ a dzə sho, a ghan e wò mbòv.

Nsùyrì Nyùy 119:29

Kiír kimboʼtì ki fo mǒ shuù, e shàm mo, a yeʼéy mo Nsər yè.

Ŋwàʼ Jov 23:12

M yoʼ bìn ndzə̀m é nsər ye yì fəə́ fo wun shuù. M lèm ne jí se sí fəən fo wun shuù, a sí dzə̀ fo mò é shií, e shaà viyíkìr.

Ŋgàn 21:6

Vikuʼùy vee shwìv kinshwìv, e kòóy, vi dzə̀ moo mbàʼŋkfəə́mé ye yì lo, yì ŋeèmé, e lày, a dzə̀ kitám ke wìr ve á jum kpú yév.

Matio 6:11

Ku fò ver vifá ve yi veé kishiíy ké lán ki,

Ŋgàn 22:8

A wìr wày kinshwìv, bo wù kù wíy kav a dzə̀ lòn, é táy ye wù táy wírií nèn mày.

2 Afòn 25:30

Fòn woó Babilon‑eè lo, wù wàa fo kifá keé kitu ke kishiíy ke Fòn Jehoyiacin wáa ker e kibàm. Wù kú a fo bèy ghán sidzə̀m, e dù, e mèé mo kpúu‑uù liìn Fòn Jehoyiacin.

Ŋwàʼ Fəə 16:35

Wír veé Israyi‑iì yì vifá ve yi ve á yoŋ ji manna vìy kiyá mkweè, e dù mèé mo vé‑eè nəən fo vé‑eè dzə̀ʼə̀mèn. Vé‑eè ghàn, e dù mèé e bìíy yeé Kanan fo vé‑eè dzə̀ʼə̀mèn, aá kù yí a dzə̀ manna.

Lim Aŋgàa Ntum 14:15

«Wír vìn, vèn yii kin a dzə̀ ka? Vèr kù dzə̀ kér cáʼ ji wíri réŋréŋ moo ven. A vèr wìy fèn ji á fiʼti ven sáʼka Nyùy wo juŋ, é vèn fiʼ màʼtì anyùy kisaŋ vìn, e kfə̀n fo Nyùy wo wù dzəə̀n e tin. A dzə̀ Nyùy woo shooy wo wù‑uù bomen yúv wùn à nsay, à ndzə́ví, à vifá ve ví dzəə̀n shó vi vidzə̀m.

Aysaya 5:18

Lòné dzə̀ wó wìr ve á bóʼti vitú vév, lór vinyo ve bi ví é wùn mo á kùr áwune shó kurín áàkfə̀ə́. Áwune kù səŋ vinyo ve bi ví é wùn, kù moo ji á səŋ a dzə̀ e kfəə̀ nàʼ.

Ŋgaà Tàrvìnyò 1:2

Ŋgaà Tàrvìnyò‑oò yòŋ ji ke a dzə̀ wìr wàa suúy ki dzə̀ á jii: «Kisáŋ fo kisáŋ ki, kinyo kidzə̀m ki kù dzə̀ kisáŋ.»

Ŋwàʼ Fəə 16:18

Á lòo fìʼ e kighín kighin, la ké wìr wo wù kì baʼtin kikuʼùn kí yòʼ kùʼ e shaàsìn, la ké wìr wo wù kì baʼtin shishàr ki yòʼ dòrnín. Wìr‑iì báʼti mo wù baʼtin, ví kù ghèén mo a dzə̀ wír vee wun lavi yì.

Ŋwàʼ Fəə 16:15

Wír veé Israyi yén, e làa yòʼ kiíy, e nèn a dzə̀rnìn jii, «Kin ki dzə̀ ka?» Mooser nèn sùúy aáwune jii, «Dzə̀ kibán ke Nyùy Tàr foon ji vèn wáa yi.

Jeremia 52:34

Fòn woó Babilon‑eè lo, wù wàa fo shimbàm e kitu ke kishiíy se Fòn Jehoyiacin wáa ker, a yiì menyòrìn mvə shó. Wù kú a fo bèy ghán sidzə̀m, e dù, e meé mo kpúu‑uù liìn Fòn Jehoyiacin.

Jeremia 37:21

Fòn Tsədekiya nèn fò sáʼ, á lí Jeremia, e dù, e fìn e kibùʼ ke nsheèlav, a sə ntuʼ kiban fo vé fèri kishiíy kidzə̀m, a fo sho, e meé mo kibán ki‑iì màyìn kidzə̀m fo ŋkàlaʼ. Jeremia ku nèn a dzə e kibùʼ ke nsheèlav.

Ŋgàn 23:5

bìʼ fo à lóo yen ji à kùʼ ne, vikuʼùy vee shooy vi nèn kù ŋeèmé, e lày. Ví kù dzə̀ kfə́ moo lùŋ wo wiy, wo wù lo, wù fèŋ, e dù duùn é yuv.

Ŋwàʼ Fəə 16:29

Vèn wáa kuumé ji fò á mo woo Nyùy Tàr ven kishiíy ké bam. Á kinyo ke kí yiìn, é bo m wáa fo ven viyíkìr veé vishiíy vee vibaà é kishiíy kee ntuùfú. Vèn goʼ é melav e kishiíy kee saàmbà, é la wìr yòʼ fəə̀ kishwáŋ.»

Kèʼlo 28:20

Jakov nèn kàʼ Nyùy Tàr jii, «Nyùy, aà yiì a dzə wòsò, a leéy fo mò é ghan ye m du rə̀n, a fo mo vifá ve yi wùn à ndzə̀y se m wáa màʼ si,

Joon 2:8

Wù nèn sùúy jii, «Vèn sér memoʼ mè, e fò, é ŋgaà ntaŋ yútí.» Á sér, e dù, e fò shó.

Aysaya 59:4

Wìr fo vèn wo wù taʼ kinyo kee tínén é nsànloŋ yòʼ kfə̀n dzə̀. Wìr yòʼ kfə̀n sáʼ nsaʼ, suuy suuyrú, kù ghaa a dzə̀ vinyo ve kisaŋ vi, e bó a suúy, bóʼti a dzə̀ kimboʼtì e ŋàŋ. Wìr dzə̀m kù sí kér a dzə̀ bvə́m ŋgeʼe, a yí kù sí bvə́ysin a dzə̀ é kinyò ke bi kí,

Ŋgàn 30:7

Éè Nyùy, vinyo vi dzə̀ vibaà ve m lón ji à yii. Lá à yòʼ tèn fóo yiì vinyo vìn e mò, é bo m wáa màʼtì nsay rə̀n.

Ŋgàn 13:5

Wìr yú Nyùy, wù wàa bàn kimboʼtì, wìr méŋ Nyùy, wù wàa yiì joonè, a shoór kitú.