Ŋgàn 30:5 - ŊWÀʼ NYÙY

⁵ «Ké jì se Nyùy, sí dzə̀ là kiloʼ sidzə̀m, a Nyùy dzə̀ ŋkeè wìr ve á lir e wun sar.

Ŋgàn 30:5 Referans Kwoze

Nsùyrì Nyùy 18:30

Nyùy dzə̀, a wù yii vinyo vidzə̀m tìítiy. Ŋkàʼmé Nyùy Tàr kù yii tíy fo. Nyùy Tàr dzə̀ ŋkeè wìr dzə̀m wo wù tiir wun fo mbìy.

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

Nsùyrì Nyùy 12:6

Jí se Nyùy Tàr sí dzə̀ rú là kiloʼ, moo *kisha ke mbàm ke á tònèn é kilàm, e rànér kàŋ saàmbà.

Nsùyrì Nyùy 3:3

Yii bèy, Nyùy Tàr, à dzə̀ ŋkeè wom, à kù yii tíy wòsò, a kù nan wò mo.

Nsùyrì Nyùy 119:140

Ŋkàʼme wò kù dzə̀ là kiloʼ ŋkuuŋkùŋ, a kwàn wóo koŋ ŋkàʼmé woo shooy feyì.

Nsùyrì Nyùy 91:2

ŋgaàŋ yíi a yòŋ e Nyùy Tàr jii, «Kù kiŋsìn wò mo, a kù shiy wò mo. À dzə̀ Nyùy wom, a m tiir vifií a dzə̀ e wò wùn.»

Kèʼlo 15:1

Vinyo vee shooy vi koóy bey, e shaà, Nyùy yiì, vinjeenjèm vi shaà e Abram si, wù yú jí Nyùy Tàr, a yì suuy jii, «Abram, lá à yòʼ a fàn. M dzə̀ ŋkeè wò, a vilaámé vé vi yíi kùʼ feyì.»

Ŋwàʼ woó Rom 7:12

Mo kí fə̀m dzəə̀n bey, bó yòʼ dzə̀ ji nsər Nyùy sì á kinyo ke bi kí. Vinyo ve nsər suuy vidzə̀m vi lo a dzə̀ fo Nyùy, a dzə̀ vinyo ve ru ví, e kfə̀n a dzə vijuŋ fo wíri.

Nsùyrì Nyùy 144:2

Wù dzə̀ ji kilán kém, kirə́ʼ ke kí kiŋsìn mo. Wù dzə̀ kóy wóm wo tavíné, a dzə̀ ŋgaà lùŋèr wom. Wù dzə̀ ŋkeè wom, a m lir a dzə̀ e wun wùn, a dzə̀ wun wo wù ton vitúm, lem e mǒ sar saʼ.

Nsùyrì Nyùy 19:8

Ntò se yeʼéy se Nyùy Tàr foon sí dzə̀ tìítiy, fó vijuŋ e wìr wo wù yúnin wun. Nsər se Nyùy Tàr sí wáa dzə là nsem, mvəʼtì sí se wíri.

2 Samuel 22:31

«Nyùy wor və̀n dzə̀, a wù yii vinyo vidzə̀m tìítiy. Ŋkàʼme Nyùy Tàr kù yii tíy fo. Nyùy Tàr dzə̀ ŋkeè wìr dzə̀m wo wù tiir wun fo mbìy.

Nsùyrì Nyùy 18:2

Rúrú, Nyùy Tàr dzə̀ kilán kém, kirə́ʼ ke kí kiŋsìn mo. Wù dzə̀ Mfə̀ə́r wom. Nyùy wom dzə̀ kirùmèn kém ké nsàm. Wù dzə̀ ŋkeè wom. Wù dzə̀ ntav wo wù luŋèr mo, kirə́ʼ kém ke tavín kí.

Ŋgàn 2:7

Wù fó kiíy e wír vee là nseme, a dzə̀ wun ŋkeè wìr ve á yii vinyo ve ru ví.

Nsùyrì Nyùy 18:31

Dzə̀ la Nyùy, e shaà Nyùy Tàr, a dzə̀ la kilán, e shaà Nyùy wor?

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.