Ŋgàn 30:4 - ŊWÀʼ NYÙY

⁴ Yì‑iì kòʼ ne la é yuv, e dù sə̀y? Yì‑iì bàʼtí ne la shwér, e kfə̀vtí e wun mvə̀m kiwo? Yì‑iì kùr ne la wuú é mbàʼ mo wìr kùr kifá e ndzə̀y? Yì‑iì tùúy ne la vitóŋtóŋ vé ndzə? Yír ŋgaàŋe dzə̀ ji la, yé wan ji la? Suúy e mò, aà fèn kì.

Ŋgàn 30:4 Referans Kwoze

Joon 3:13

Wìr wùmòʼ yòʼ‑oò yiì ne kòʼ e Nyùy wòŋ woó yuv, kù mày ŋgaà wo wù loòn fó fo, wo yírí dzəə̀n *Wanwìr.

Ŋwàʼ Jov 26:8

Wù lo, wù kùr wuú é mbàʼ ye sənér, yii bèy, la yí yòʼ dzə̀r, e ghàʼ mbàʼ fo yì keérí.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

Remrí 30:12

Bó sí yòʼ dzə̀ é yuv fo vèn wiy a yòŋ jii, ‹A dzə̀ kòʼ la fó, e lì, e wìy, e yèn ver shó ji vèr wáa yu, a yiì?›

Ŋgaà Yen 19:12

M yén, a wón sii njaʼkìr fo fo, baári moo kiliímé ke və̀y, a wù sóv ntáráʼ e tom e ntáráʼ. Aá sáŋ yír yímóʼó é wùn wó, a bó wìr yòʼ kì nsàv. Kù kì wun nsàv yìr yee shooy.

Ŋwàʼ woó Rom 10:6

A kinyo kee kùm dzə́ə yee ji wìr wáy shilív e Nyùy wùn, e bóo gheén fo wun, kí yòʼ dzə̀ ji wìr wáa kwàʼ fo wùn shiliv jii, wìr kér fó tàʼ Kristu fo yuv, é bo wù sə́ wun. Vé‑eè sàŋ jii, «A dzə̀ kòʼ la é yuv?»

Remrí 28:58

Mooser nèn yòŋ jii, «Vèn ku wìy a yunín yéʼéy Nyùy Tàr rən, a ŋeèvì nsər se sí dzəə̀n é ŋwàʼ fèn sidzə̀m, a yiì mo sí dzəə̀n. A vèn dzə̀ là fó a ghvəm yír Nyùy Tàr woo Nyùy won, a wù dzə̀ e gháʼtín, e kfə̀n a dzə e beémén,

Aysaya 53:8

Vé‑eè koò wun, e lì, a dù sho ji á du, e yuyrí, la wìr wóo bìn kinyo kfə́ réŋ yòʼ a dzə. Kfə̀n wíy a yòŋ la rám rə́, a vé‑eè tìn ne dzəʼə̀m rə́. Vé‑eè yùyrí wun, a kù‑uù dzə̀ bìʼ ajay vesən.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Ŋwàʼ Fəə 6:3

Mò‑oò dìn kitú kém e Abraham wùn à Aysi, à Jakov ji Nyùy woo Ŋgaà Vitaàví Vidzə̀m, yii bèy, e làa yòʼ yiì, aáwune kiíy yír yém yee Yahweh.

Atǎr Nsaʼ 13:18

Nshìylav Nyùy Tàr bìnèr sho jii, «À dzə́r yír yém bìʼ ka? Dzə̀ yír, a yí dzə̀ e ghaʼán, a bó yòʼ dzə̀ à kìíy.»

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Jeremia 23:6

Wíy lòo dzə e wun ghan sé saʼ, é wír veé Judàa boy, é dzəʼə̀m wìr veé Israyi wáa dzə e kiŋsìn. Yír ye á wíy a yòŋ wun shoo dzə̀ jii, ‹Nyùy Tàr woo Ŋgaà Lùŋèr wor.› »

Nsùyrì Nyùy 24:2

Yì‑iì bòm wun nsay, e wày kinsə̀ŋ e rìbà ndzə̀v, nsay wáa taa e kitu ke ndzəv.

Nsùyrì Nyùy 22:27

Vitúm vidzə̀m veé kitu ke nsay vi wíy bìnkìr, a kuumé fó a burí Nyùy Tàr, é kfəə́ sidzə̀m si wáa koʼtí e wun si, a ghvəm wun.

Kèʼlo 32:29

Jakov nèn lòn jii, «Kii wò, ku sùúy e mò, yír yée dzə̀ ji la?» Wù bìnèr jii, «À dzə́r yír yém bìʼ ka?» Wù nèn kù səə̀vì Jakov fo.

Ŋwàʼ Fəə 15:10

À ló ké, e fèr shwér fo wò shuù, ndzə́ví súm áwune, á sə́y é màndzə̀v moo ŋgòʼ kishà.

Nsùyrì Nyùy 135:7

Dzə̀ wun wo wù lo, wù yiì, wuú wàa koʼkír, a wìy fo buu se ndzə, a kù yii wun, é bo kishèv ki wáa ŋwàŋ e ghan sé wuu. Kù fəər wun shwér fo wun kitàv.

Aysaya 45:18

Jí sìn si dzə̀ sé Nyùy Tàr. Dzə̀ wun Nyùy wo wù‑uù bomen yúv wùn à nsay. Wù‑uù lì ghán, e bònen nàvtì feyì ji ví fiʼ wìy shìíy. Wù yòʼ‑oò lo bòm nsay ji yì wáa tiy kisáŋ. Wù‑uù bòm ji wíri fíʼ a dzə sho. Kù dzə̀ wun wo wù yoŋ jii, «Dzə̀ mo Nyùy Tàr, a bó Nyùy wùmòʼ yòʼ kfə̀n dzə̀, e shaà mo.

Ŋwàʼ Jov 11:7

«A dzə̀ à shoòshí, e yèn mo vinyo ve Nyùy vi shoon, e mèé à? A dzə̀ à tàr, e yèn fo vifií vé Nyùy woo Ŋgaà Vitaàví Vidzə̀m vi duùn, e sèéy à?

Ŋwàʼ Jov 11:8

Vifií vé Nyùy vi kùy, e shaà yúv, a dzə̀ à yeè le lèn, e bóo kiíy? Ví shoò, e shaà woŋ aŋkfə, a dzə̀ à kìíy ké ji ka lèn?