Ŋgàn 30:3 - ŊWÀʼ NYÙY

³ M yóʼ ne yèʼéy ye dzə̀ m wàa ker vifií, a bó m yòʼ fə̀m sí kiiy Nyùy, wun woo Ŋgaà wo Ranén.

Ŋgàn 30:3 Referans Kwoze

Ŋgaà Yen 3:7

Wù nèn kfə̀n sùúy jii, «Sáŋ ŋwàʼa lèn a dzə̀ wó ŋgaà ntum woó kintatì keé Filadeefia. A wú dzə̀ jii: «Kinyo kìn ki sùúy mo wo m loòn fo Nyùy. A kù yii suuy mo kinyo ke dzəə̀n ke ru kí. Kér mo kimbàʼ ke kí‑iì dzəə̀n e Fòn Davir kiwo fo mbìy. A mvə̀ʼ mo shúu lav, bo bó wìr yòʼ dzə̀ shó wo dzə̀ wù kfə̀n fìn. M fin, bo bó wìr yòʼ dzə̀ shó wo dzə̀ wù mvə̀ʼ.

Ŋwàʼ woó Rom 11:33

Vèn ku yèn búʼú mo Nyùy koŋ wíri, rə́r mendzən mev é ŋàŋ. Vifií və́ ví dzə̀ vigháʼán, a wù kì vinyo vidzə̀m. A bó yòʼ dzə̀ wìr kìíy mo wù lo, wù kwàŋ kinyo kfə́, a bó yòʼ dzə̀ wír wù kìíy sá mo wù yii vinyo ve wù yii.

Ŋgàn 9:10

Wìr lóo yunín Nyùy Tàr, bo ŋgaàŋ kèʼ ne, a ker vifií. Wù lóo kiíy wun woo Ŋgaà wo Ranén, bo wù sí kiiy mvə́m se vinyò.

Ŋgaà Yen 4:8

Vifá vee vikweè vìn vi kér vav ntuùfú ntuùfú, kér sí mbìv sidzə̀m, a ví dzə́, yov e shùy, yov vitsə́ʼ ghán sidzə̀m, e làa yòʼ a siʼím. A ví yov jii: «Nyùy Tàr, wun woo Nyùy woo Ŋgaà Vitaàví Vidzə̀m dzə̀ e ránén. Wù dzə̀ e ránén, wù dzə̀ e ránén. Dzə̀ wun wo wù‑uù siìn, a wù dzə̀ lèn, a wù kù wíy a dzə.»

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Matio 16:17

Jesus yòŋ jii, «Simon woo wan Jona, vishí vé vi bòŋ feyì. Kú a kiíy jii, yiì Tàr wor wo wù dzəə̀n é yuv, é bo à kiíy kinyo kìn, a bó kí yòʼ lò fo wìr msòŋ.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Aysaya 30:11

Vèn bin ndzə̀m é kinyò ke vèn wayin ji á yii. Vèn maʼti dzə́ə ye vèn yii vinyo sho. Lá vèn yòʼ dzə́ə a lì vinyo ve Ŋgaà wo Ranén woó Isray, a ghiʼ ver shó.»

Aysaya 6:10

Nyùy Tàr kfən sùúy e mò jii, «Ku yiì, é melív me wìr vìn mè lur, e sə̀mrì vituʼùr vév ví, e sə̀tí sí yéví, fo sí yéví wáa yen virə́ʼ, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.»

Aysaya 6:3

Ví‑iì jaŋnìnè, a kímóʼ kí suuy e kímóʼ kí jii, «Nyùy Tàr woo Taà Mànjòŋ dzə̀ e ránén, wù dzə̀ e ránén, wù dzə̀ e ránén. Vikuʼùy və́ ví rùn kitú ke nsay kidzə̀m.»

Ŋgàn 30:4

Yì‑iì kòʼ ne la é yuv, e dù sə̀y? Yì‑iì bàʼtí ne la shwér, e kfə̀vtí e wun mvə̀m kiwo? Yì‑iì kùr ne la wuú é mbàʼ mo wìr kùr kifá e ndzə̀y? Yì‑iì tùúy ne la vitóŋtóŋ vé ndzə? Yír ŋgaàŋe dzə̀ ji la, yé wan ji la? Suúy e mò, aà fèn kì.