Ŋgàn 30:13 - ŊWÀʼ NYÙY

¹³ Ŋgwàʼ rə̀n kù yén vitú vév é ŋàŋ. Á kóʼor wún ji bó wìr yòʼ dzə̀ moo áwune.

Ŋgàn 30:13 Referans Kwoze

Ŋgàn 6:17

a yí dzə̀ jii: Kiŋkoʼòrwùn, kimboʼtì, kinjuyrìwìr,

Aysaya 2:11

Wù wiy, e sèn wír wo wù li kitú kfə́ ji Nyùybomkpù, e dìn kisáŋ ke vé kiŋkoʼòrwùné adzə̀m. Á bèy, é kú a dzə Nyùy Tàr cáʼ wo á wíy a koʼór yír rə́ é kishiíy fóo fèy.

Nsùyrì Nyùy 131:1

Éè Nyùy Tàr, bó m yòʼ kóʼor wún, a bó m yòʼ yén kitú kém ji wír. M yoʼ wày wó yém é vinyò ve kuʼùn ví, kìn é vinyò ve ví wáa tav, a ghaʼ mo.

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

Habakuk 2:4

Èhéè, ntum dzə̀ jii, ‹Ké wìr wo wù kóʼninè, bó shilív sə́ shí yòʼ tíy e kinyò kee réŋ kí. Yii bèy, ké wìr wo wù yúnin Nyùy, wù wíy lùŋ, bìʼ fo shilív sə́ shí kù tíy e Nyùy wùn.› »

Esiker 28:9

Áwune wíy wìy ji á yúyri wò, áà kfən yòŋ ji à dzə̀ nyùy a? Vé kinjuyrì vìne wíy ghar wò, é la à yòʼ a dzə nyùy, áà wáa dzə wir msòŋ.

Aysaya 3:16

Nyùy Tàr suuy jii, «Vikìy veé Jerusaleme kóʼor wún é ŋàŋ. Á kù ghán e kilòŋ kí yuv, kív sí, e bó a leéy wír sho, shóʼ kiwuú, tiir e kímóʼ kí kitu, kù ji lùmèn yén, ghán, a visháráŋ vé sùsù ve á səŋrin é wuù ví sháʼá.

Ŋgàn 21:4

Wìr wo wù méŋ Nyùy kù yén a dzə̀ kitú kfə́, ghaŋghàŋè. A vinyo və́ vidzə̀m vi dzə̀ ve bi ví.

Aysaya 5:15

Á wíy sèn wir dzə̀m, a dzəə̀ ye wìr kóʼór kitú kfə́ yòʼ kfə̀n wíy a dzə. Nyùy Tàr wíy sèn wír wo wù li kitú kfə́ ji Nyùybomkpù.