Ŋgàn 30:12 - ŊWÀʼ NYÙY

¹² Ŋgwàʼ rə̀n yén vitú vév ji á dzə̀ là nsem, yii bèy, aáwune dzə̀ə́ lóm lóm e Nyùy si.

Ŋgàn 30:12 Referans Kwoze

Ŋwàʼ Luk 18:11

Á nəə́, wìr woó Farasi nèn kòʼtí, e tìím jeéy, a bùnrì jii, ‹Éè Nyùy, m beerì wò ji bó m yòʼ dzə̀ moo wír ámóʼó, bo taaka moo ŋgaà wo wù báʼti mbàm se bàràʼ və̀sə. Bó m yòʼ yii táŋ kifá ke wìr, bó m yòʼ yii kuvrì kiŋkùvrì, a bó m yòʼ yii li wiiy wìr.

Ŋgàn 16:2

A dzə̀ wìr wàa yen ji vinyo ve wun yii vi dzə̀ á tìítiy, yii bèy, a kù yén Nyùy Tàr shilív shé ŋgaàŋ.

2 Timoti 3:5

Á kù wíy a yòŋ vitú vév ji wír Nyùy, a bó á yòʼ wíy a yiì kinyo ke dzəə̀n ké Nyùy. Kú a nyeŋ kfə́ə wìr vee bene nyéŋén.

Jeremia 2:35

a vèn kù yoŋ kén ji á yòʼ kì á fo kinyò, a bó yòʼ dzə̀ Nyùy wàa shwiíy a kilòŋ vèn áwune. Vèn wáa kiíy, m kù yíi tiír ven é kibàʼ ke nsaʼ, ven ve á yoŋ ji á yòʼ kér jay.

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Ŋwàʼ Luk 16:15

Jesus nèn a suúy aáwune jii, «Kù dzə̀ ven vin ve á laarì sí wíri, din wún ji wír ve juŋe, a kù kì Nyùy melív men. Vèn wáa kiíy jii, vinyo ve wíri búri ji ví mèé e vinyò vi dzə̀ ve ví kóʼoy fo Nyùy kóʼóyín.»

Esiker 36:25

M wíy tsəm shindzə́v she ranén shí e věn wùn, é vèn rán fó kifàn ke vèn‑eè liìn bìʼ vinyo vidzə̀m ve vèn‑eè lorin vitú vén shó. Vèn wíy ran fo kifàn ke vèn‑eè ghvəmen mebvə̀m, e lì.

Aysaya 65:5

Áwune yii bèy, lo, á kfə̀n a nyàysì wír ámóʼó, a suuy jii, ‹Á yen fóo kùm mo, e lor mo. Lá à yòʼ kùm mo, à yoʼ ràn, m dzə̀ kém là shilóm.› Vinyo ve á yii vi tínsin mo, kù moo kindzə́ʼ ke kí ndzə́ʼ, nəə e wìr yuy. Áwune dzə̀ ji və́y wo wú baári ghán sidzə̀m, dzəmèr kindzə́ʼ.

Ŋgàn 21:2

Wìr lo, wù wàa yen ji wun tíy kfə́ tìítiy, yii bèy, a kù tar Nyùy Tàr shilív shé wìr.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

Sekariya 13:1

«Ghán sin si wíy gheén, é ntòŋ ndzə̀v yìmòʼ mvəʼəm, a fəə ji ye wìr vee rám Davir wùn à wír ve á dzə́ e Jerusaleme, aá wáa sù njò yev fó, a ran fo áwuné vinyò ve bi ví, à fo áwuné joònè e dzə̀m.»

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Aysaya 1:16

Vèn fə́tí wó yéné fó yiì ye bií, e lèm vitú vén, é ví wáa dzə viránén. M yòʼ dzəə́ taʼ, e kfə̀n yen, a vèn buʼ kinyo. Vèn ku neèr yii ye bií,

Nsùyrì Nyùy 51:7

Shàʼàr jay wom, é m wáa dzə kiránén, e sù mo, é m rán ji pěy.

Nsùyrì Nyùy 51:2

Sù lóm sém sí kijuŋ fo mǒ wùn. Yìi, é m rán fo mǒ kinyò ke bi kí.

Nsùyrì Nyùy 36:2

Wù sumrì wún, ŋáʼri jii, Nyùy yòʼ yíi kiíy vinyo və́ ve bi ví. Wù yòʼ yíi kiíy, e bóo way wun e ŋgeʼ.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

Ŋwàʼ Jov 33:9

à dzə̀ là shilóm, a bó à yòʼ kér a jay. À yòʼ kì á fo kinyò, a bó à yòʼ kér a kinyo ke bi kí.

Atǎr Nsaʼ 17:13

Mayka nèn sùúy jii, «Ké lèn ki, mo m sí kér wír woó ram Levi ji taà cù wom, bo m kì lèn ji Nyùy Tàr yíi yiì, é vinyo vém ví wáa ghan kijuŋ.»

Atǎr Nsaʼ 17:5

Mayka wáa dzə, a wù kér kfə́ kee kirə́ʼ ké nyùy. Wù‑uù fèr mebvə̀m, e kfə̀n tàr shiŋkèéy shé kikum, e lèm wán və wùmòʼ ji ŋgaà cù və.

Hosea 12:9

Yii bèy, dzə̀ mo Nyùy Tàr woo Nyùy won, mo wo mò‑oò fəərin ven fó vikwàn é wòŋ woo Ejiv. M kfə̀n yíi siìr ven, é vèn kfə́n, a shiíy e vibàn, réŋréŋ mo vèn lóo yi ŋkàʼ, á shìíy.