Ŋgàn 30:10 - ŊWÀʼ NYÙY

¹⁰ Lá wìr yòʼ a toy kinyo e kwàné bàm, a bi tàr wov lìm sho. Lá wù yòʼ mùm, fo kwàné tín kàʼ və, é wù gheén.

Ŋgàn 30:10 Referans Kwoze

Ŋwàʼ woó Rom 14:4

A bó yòʼ dzə̀ wìr wàa tàr kinyo ke wánlè wìr wo sən. Kìn wù jày, kìn bó wù jáy, bo dzə̀ kù sùúy Tàr wov. A dzə̀ Tàr wov sùúy ji wù yoʼ jày á kinyo.

Ŋgaà Tàrvìnyò 7:21

Lá à yòʼ a fo vituʼùr é kinyò kidzə̀m ke wíri suuyì, fóo yiì lòo yuurí, e yu liy se ŋgaà wò lìm kuu wò sho.

Daniel 6:24

Fòn fó sáʼ, á wìy e vilum ve vé‑eè toyin kinyo e Daniel bàm víyi, e màʼ áwune é mbvə̀ʼ abvərə̀ʼ fey. Á ku tàtí sa vikìy vév wùn à wóné, e màʼ fo. Abvərə̀ʼə́ táv, e ghàʼ áwune. Áwune wáa jì ji á meé é sar mbvə̀ʼ, aàbvərə̀ʼə́ sáʼtí ne áwune sáʼtin, à vighvə́r ví shó.

Daniel 6:13

Á bèy, áwune bùn fon, e sùúy sho jii, «Daniel və̀y, woo wír woó Juda, wo vé‑eè koon é shùu rər yòʼ yén a fon ji kifá, a bó wù yòʼ ghvə́m a saa nsər ye fòn‑ee dònèn. Wù kù dzəə́ bunrì a akàŋ ataár e kishiíy.»

Ŋgàn 28:27

Wìr wo wù kér wó rə́ tèéter fo vé kitàne yòʼ wíy a buŋ kifá, yii bèy, aá kù wíy a shov wír wo wù kam fo vé kitàne shóvín.

Ŋgàn 11:26

A jìŋ ghàʼ, wìr wáa ker vifá ve yi, e fìn e kitàv, wíri shòv wun. Wo wù fəərin və́ fəərín é way, wíri wàa burí wun burín.

1 Samuel 30:15

Davir dzə́r e wun jii, «A dzə̀ à dìn mo fo ŋgoo rə̀r yee shooy dzəə̀n á?» Wù biímé, e sùúy jii, «Kàn yír Nyùyi ji à yòʼ yíi yuyrí mo, kìn ji à yòʼ yíi siìr mo e tàr wor lìm, é m nèn lì wò, e sə̀y shó fo áwune dzəə̀n.»

1 Samuel 26:19

Nyàr, á ku yuùrí a kinyo ke m suuyì. A lòo dzə, a yií Nyùy Tàr ji á wáa jwim mo, bo a m yiì cu fo wun, yí kù yiì, wù kùvsín á kwaʼtì rə́. Yii bèy, wáa dzə, a yií wíri, ŋgeʼ Nyùy Tàr kù gbù aáwuné kitu, bìʼ fo á jùmèn ne mo fo Nyùy Tǎr wòŋ ji m wáa dzə e wòŋ wo dzə̀ m kù a ghvəm a dzə̀ anyùy kisaŋe.

1 Samuel 24:9

e sùúy e Saul jii, «Sà bìʼ ka mo á yuúri wír ve á suuy e fòn ji m wày ji m yúyrí wun a?

Remrí 23:15

Mooser kfən yòŋ jii, «A kwàné nyèŋ fo tàr wov fó wòŋ wúmóʼó, e wìy, e beè wir Isray, ŋgaàŋ wàa yen fóo siìr e bàm e tàr wov.

Remrí 15:9

Vèn wáa yen fó a kuʼ vinyo ve kisaŋ vi e věn meliv, e ten fó foòr wír kifá ji kiyá ke ntiinè kaa ki sí méʼ a fo mentsə̀m, a bó yòʼ dzə̀ wìr kfə̀n sə̀ mbàm e bàm. Lá vèn yòʼ màʼtì, é kwaʼtì kisaŋ yee béyi nəə́ e věn meliv. A vèn tèn fó foòr, wù yiì tòŋ, e kàn Nyùy Tàr bìʼ ven, bo vèn lì ne njò, a Nyùy Tàr yíi saʼ ven fó njò fóo fèy.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»