Ŋgàn 3:7 - ŊWÀʼ NYÙY

⁷ Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Ŋgàn 3:7 Referans Kwoze

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

Ŋgàn 26:12

A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

Ŋgaà Tàrvìnyò 12:13

Kimaysì kí nén a dzə jii, wìr wáa ghvəm Nyùy, a yunín nsər sə́, bìʼ fo kù dzə̀ kinyo kìn ke wìr kér fó a yiì.

Aysaya 5:21

Lòné dzə̀ wó wìr ve á kwaʼ ji á fìír, wír, aá kù yén a dzə̀ vitú vév ji afií.

Ŋgàn 14:27

Yúnín yé a yunín Nyùy Tàrí dzə̀ ntoò ndzə̀v ye yì fó dzəʼə̀m, a yí kiŋsìn wír fo wù li é vitam ve kpu.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Nehemia 5:15

Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

Ŋwàʼ Fəə 20:20

Mooser nèn sùúy e wíri jii, «Lá vèn yòʼ a fàn. Nyùy wìy ji vèn kiíy mo wù koó, é fan Nyùyi fíʼ a dzə e věn meliv, é la vèn yòʼ dzəə yiì jày kinyo e wun.»

2 Samuel 12:20

Davir nèn ŋàʼáy fo nsay, e sù wún və́, e sòr, e màʼ ndzə̀y se sən sí. Wù màʼ bèy, e nèn dù e Nyùy Tǎr lav, e bùnrì. Wù màysì, e nèn kfə̀n e wun ntoʼ. Wù kfə́n bey, e dzə̀r vifá ve yi, á fó, wù yí.

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Ŋgàn 14:16

Wìr wo wù kér vifií baʼàr ŋgeʼ, woo kiyúŋ kù a gùynìn, a to kfə́ shó toón.

Ŋgàn 23:4

Lá à yòʼ kù a tàŋèn ji à kuʼ. Ku fìír, e bàʼàr kitám kee bey,

Ŋgàn 26:5

Ku kòrìr kiyúŋ kí kórisin, fo wù wáa yen kitú kfə́ ji fií.

Ŋgàn 28:11

Ŋgaà mbàm kù yii yén kitú kfə́ ji fií, a ŋgaà kitàn wo wù kiiy jeéyjeéy fo vinyò yíi toʼ kinyè kfə́.

Ŋgàn 28:26

A wìr tiir vifií a dzə̀ é kinyò ke kwaʼtì wun, bo ŋgaàŋ dzə̀ kiyúŋ, yii bèy, a wìr tiir kiwuú kfə́ fiʼì, bo wù yíi bàʼàr vishí ve bi ví.