Ŋgàn 3:6 - ŊWÀʼ NYÙY

⁶ À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

Ŋgàn 3:6 Referans Kwoze

Ŋgàn 16:3

Aà wày lim yé e Nyùy Tǎr kiwo, antaŋ vée wàa ghan kijuŋ.

Nsùyrì Nyùy 32:8

Nyùy Tàr suuy jii, «M yíi dìn wò dzə́ə ye à wáa ghan sho. M yíi a yeʼéy wò, a tir wò mo à wáa yiì. M yíi a leéy wò fo à tín kiwuú.

Filipi 4:6

Lá vèn yòʼ a yaŋyáŋ bìʼ kinyo kímóʼ kí gheéy. Vèn kú a bùnrì a dzə̀ Nyùy, a neèr vinyo ve ví gháʼ ven ví e wùn si. Lóo bùnrì, á wàa beèrì sa wun fo vinyò ve wù rə́si yii e vèn.

Ŋgàn 16:9

Ntaŋ wo baán kù dzə̀ e wìr msòŋ, a kù danèr Nyùy Tàr bo wù wáa yiì kinyo ke réŋ kí.

Jeremia 10:23

«Éè Nyùy Tàr, m kì ji bó yòʼ dzə̀ wìr tìr kitú kfə́, a bó yòʼ jòʼsì wír, wù kìíy mó a tiír kiwuú kfə́, a fìʼ.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

Aysaya 30:21

Vèn yíi lòo dù e dzəə, lo ji á bin e koy yìyí, kìn e wó ŋkoòvìi, é ven yú jí rə fó bàm, a yì suuy jii, «Dzəə̀ yee réŋ rə̀ne, vèn bin shó.»

Aysaya 48:17

Nyùy Tàr wo wù boyìr ven, wun woo Ŋgaà wo Ranén woó Isray suuy jii: «Dzə̀ mo Nyùy Tàr woo Nyùy won. Kù yéʼey mo ven kinyo ke kí yíi sə ven, a kù danèr mo ven mo vèn wáa shoʼ kiwuú kén.

Kolosia 3:23

Wìr lóo lìm kifá ke wù lim kidzə̀m, wù wày ŋàŋ, a lìm ji wun lim a dzə̀ á fo Jesus Kristu, bó wun yòʼ lim a fo wìr.

Kolosia 3:17

Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.

Ŋgàn 23:17

Lá à yòʼ a baŋrí yii wìr ve bií, a meŋ Nyùy. Kú a dìy ké ji à wáa ghvəm Nyùy Tàr ghán sidzə̀m.

1 Korin 10:31

M nén a suúy kém jii, a wìr fə̀m yí kifá ke yiín kí, kìn wù nó a dzə̀ ke noón kí, vèn kù a yiì vinyo vee shoon vidzə̀m ji wíri wáa yen, a burí a dzə̀ á Nyùy.

1 Wòŋ 28:9

«Wówò Solomon woo wán wom, kiíy Nyùy wo tàr won ghvə́mé. Á ghvəm vèn à shilív shé shi shidzə̀m, à kwaʼtì yée e dzə̀m, bìʼ fo Nyùy Tàr yii tar melív medzə̀m, a wù kfə̀n yii kiiy kwaʼtì e dzə̀m ye yí dzəə̀n e wìr vifii. Aà yiì a tàʼ wun, áà wáa yen. Yii bèy, à maʼay wun, bo wù yíi bìn ndzə̀m e wò, e màʼày wò ŋkuuŋkùŋ.

1 Samuel 30:8

Davir nèn dzə̀r e Nyùy Tàr ji wun sa nyoòrì wír ve á nəən wun vìn a? Nyùy Tàr biímé ji wù wàá nyoori, wù waà ló koo a áwune, e faàsì a wíri wùn à vifá ve á kuuyin ví.

Aysaya 45:13

Dzə̀ mo wo mò‑oò yiìn yii yee réŋ, e bànrí Sayrus, wù wáa yiì lim yém. M wíy yiì, é vinyo və́ vidzə̀m vi wáa dù e leŋ. Wù kfə̀n wíy bàʼrì ŋkàlaʼ yem yee Jerusalem, e siìr fo, e kfə̀n siìr wír vém ve á dzəə̀n é kwaʼ nsàm, aá kfə́n é bàm. Wù yòʼ wíy a yiì vinyo vìn bìʼ vilaʼày, kìn ji á laámé. Suuy mo, Nyùy Tàr woo Taà Mànjòŋ.»

Nehemia 1:11

Éè Nyùy Tàr, ku yuùrí bunrì ŋgaà lìm wòo. Ku yuùrí bunrì aŋgàa lìm vée, áwune ve á tiir vifií vév ji á kú a ghvəm a dzə̀ yír yé. Fó ŋgaà lìm wò vishí ve juŋ vi lán, e fíʼ yiì, é fòn wáa ker shilív she juŋ shi vèr wun.» Yì‑iì dzə̀ é ghan fen, a wáy mo bóm fòn.

Nehemia 2:4

Á nèn dzə̀r e mò fó ntoʼ ji m sà kì koŋ ji á yée le e mò á? M nèn bùnrì Nyùy woó yuv,

Esra 7:27

Búríi wáa dzə fo Nyùy Tàr woo Nyùy atàr vér, wo wù wayin kwaʼtì yee moo rən e fòn shiliv, ji á fiʼ yiì lim yee Nyùy Tǎr lav ye yì dzəə̀n é Jerusalem.

2 Korin 8:16

M beerì Nyùy feyì mo wù yiìn, shilív shé Titur shi wáa lùm fo vèn ghán sidzə̀m mo shém shí lumè.

Kintaŋ 9:20

Lóo dzə e ghan símóʼ sí, yì yiì vishiíy vishàr e kitu ke kibàn ké Nyùy. Mo Nyùy Tàr yòŋèn, bo á kù sí bee. Wù yií yoŋ ji á lo, á nèn lò.

Nehemia 7:5

Nyùy nèn kùm shilív shém ji m báʼtí á wíri wùn à vilìmbìy vév ví, à vé saʼa, e sàŋ á yír sév mo kfəə́ si dzə̀kìn. M tombìy yèn ŋwàʼ kfəə se sí‑iì wìyìn mbìy, aá sáŋ shó jii,

Ŋgàn 11:5

Wìr lóo dzə là nsem, yii rə́ ye réŋé kìŋsìn wun. Wìr méŋ Nyùy, wù gbù e wun yiì ye bií.

Jeremia 42:3

Á lon Nyùy Tàr woo Nyùy wò ji wù din á fo vèr du, e kfə̀n sùúy a kinyo ke vèr yii.»

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.