Ŋgàn 3:5 - ŊWÀʼ NYÙY

⁵ Ku wày shilív shí e Nyùy wùn shidzə̀m, e làa yòʼ a yiì a dzə̀ mo kiìn wò.

Ŋgàn 3:5 Referans Kwoze

Nsùyrì Nyùy 37:5

Fó dzəʼə̀m yée a dzə̀ e Nyùy Tàr. Wáy shilív shí e wun wùn, é wù sə́ wò.

Ŋgàn 28:26

A wìr tiir vifií a dzə̀ é kinyò ke kwaʼtì wun, bo ŋgaàŋ dzə̀ kiyúŋ, yii bèy, a wìr tiir kiwuú kfə́ fiʼì, bo wù yíi bàʼàr vishí ve bi ví.

Nsùyrì Nyùy 37:3

Wáy shilív shí e Nyùy Tǎr wùn, a yiì vinyo ve ru ví. À lóo yiì, áà nèn a dzə e nsay kijuŋ, là kinyo ké a fàn.

Nsùyrì Nyùy 62:8

Éè wìr vem, vèn tiír vifií ví a dzə̀ e wun wùn ghán sidzə̀m. Vèn neer akíghàʼ véné adzə̀m a dzə̀ e wun si. Kù dzə̀ Nyùy kikfə́vsì kesən.

Aysaya 12:2

Rúrú, Nyùy dzə̀ ŋgaà wo wù luŋèr mo. M yíi a yeʼtí a dzə̀ e wun wùn, e làa yòʼ a fàn kifá. Feyì feyì, dzə̀ wun woo Nyùy Tàr wo wù távir mo, a kù dzə̀ wun wo m yov, suyrì. Wù dìn ne rú ji wun dzə̀ á ŋgaà wo wù luŋèr mo.»

Nsùyrì Nyùy 37:7

Dzə̀ʼə̀m ji nyaáŋ e Nyùy Tǎr si, a yuurí a dzə̀ wun. Lá à yòʼ a yu ntéŋ bìʼ wír wo vinyo və́ ví du kijuŋ, wír wo wù rə́si bá menàŋ, a vinyo və́ ví gháné.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Jeremia 10:23

«Éè Nyùy Tàr, m kì ji bó yòʼ dzə̀ wìr tìr kitú kfə́, a bó yòʼ jòʼsì wír, wù kìíy mó a tiír kiwuú kfə́, a fìʼ.

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

Nsùyrì Nyùy 125:1

Wír ve á wayin shilív e Nyùy Tǎr wùné dzə̀ moo Gwan Sion, wo bó yòʼ dzə̀ kifá ki sə̀ʼ, a wù tíy ji ŋkǐŋ ghán sidzə̀m.

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

Ŋgàn 22:19

M sí yéʼey wò lán ji à fíʼ a yu a dzə̀ fo Nyùy Tàr.

Ŋwàʼ Jov 13:15

Rúrú, a Nyùy lò, a yuyrí mo, bo m kù‑úù wáa yeʼtí a dzə̀ é wùn wó. A wù lò a yuyrí, bo m kù‑úù tiím é si wo, e bóo tunér kitú kém.

Ŋgàn 23:4

Lá à yòʼ kù a tàŋèn ji à kuʼ. Ku fìír, e bàʼàr kitám kee bey,

Efesor 1:12

Vèr nén a dzə wír mbìyi ve vé‑eè tiirin vifií e Jesus Kristu wùn, a shìy. Nyùy‑iì yiì bey ji wíri wáa yen mo wun woo Nyùy dzəə̀n e gháʼán, a burí wun.

Kintaŋ 9:20

Lóo dzə e ghan símóʼ sí, yì yiì vishiíy vishàr e kitu ke kibàn ké Nyùy. Mo Nyùy Tàr yòŋèn, bo á kù sí bee. Wù yií yoŋ ji á lo, á nèn lò.

Kintaŋ 9:22

A mbàʼ fə̀m‑eè gòʼ é kitu ke kibàn ké Nyùy vishiíy vibaà, kìn ŋwee, kìn dzə̀ kiyá kifur, bo wír veé Israyi kù yíi a dzə fo, e làa yòʼ lò. Mbàʼ yií lo fo fo, bo áwune ŋáʼáy, a dù.

Esra 8:23

Vèr nen lèm jíŋ, a bùnrì ji Nyùy wor yii, é vèr ghán á kijuŋ. Wù nèn yù tóŋ yér.