Ŋgàn 3:34 - ŊWÀʼ NYÙY

³⁴ Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.

Ŋgàn 3:34 Referans Kwoze

Jeem 4:6

Yii bèy, a Nyùy kù sheŋrì ghán sidzə̀m, a mè kù yòʼ tíy e wun wùn. A dzə̀ kíwun ke vé‑eè saŋen jii, «Nyùy méŋ wír ve á yén vitú vév, nèn leey ve á néŋ e wùn si, shám áwune.»

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Ŋgàn 9:12

Rúrú, aà jumrì vifií, bo ví yíi làʼ wò, à wáa ŋway ké ŋwayín, bo ŋgeʼ kù dzə̀ ye.

Nsùyrì Nyùy 138:6

Fə̀m mo à dzəə̀n é ntoò yùv, à lo, à wàa leéy wír ve á li vitú vév shishàr. Yii bèy, lóo dzə vé kiŋkoʼòrwùné, à wàa leéy áwune kwaʼda kwaʼda.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Ŋgàn 21:24

Ŋgaà kiŋkoʼòrwùn, à ŋgaà kiràʼsìwùn, yírí kù dzə̀ ŋgaà jàʼ, njiìn və e dzə̀m kù dzə̀ wùn à kiŋkoʼòrwùn kí.

Ŋgàn 19:29

Wír ve á shéʼ Nyùyi kù wíy a ker ŋgeʼlàʼ, é ŋgwàne shóʼ ndzə̀m viyùŋ.

Nsùyrì Nyùy 18:26

À kér shilív she juŋ shi vèn à wír ve á kér melív me juŋ mè, din nyár yé e wìr wo wù yòʼ ghán tìítiy.

Ŋgàn 14:9

Viyúŋ ví buʼtì vinyo, e làa yòʼ a ci, yii bèy, wír ve á yii réŋé diy kév a dzə̀ kimán.

Ŋgàn 16:19

Bòŋ, e lì kitú ké shishàr, a dzə vèn à vé ŋgeʼe, e shaà fóo jàv vifá ve kimfaàsì vèn à vé kiŋàʼa.

Ŋgàn 1:26

bo ŋgeʼ si yíi nəə́ ven, é m wáa sheʼ ven shéʼén. Vèn yíi a fàn, a yàʼ, é m wáa te a dzə̀ lám.