Ŋgàn 3:32 - ŊWÀʼ NYÙY

³² Wìr liì kisaŋ yii kóʼoy fo Nyùy Tàr. Yii bèy, wìr woo tìítiy dzə̀ wo vifií və́ ví yii tíy sho.

Ŋgàn 3:32 Referans Kwoze

Nsùyrì Nyùy 25:14

Nyùy Tàr koó viŋkar wùn à wír ve á ghvə́m wune, yii, aá kiiy mensaŋ mvə.

Joon 15:15

M yòʼ dzəə́ yoŋ ven ji wónlè vém. Wónlě wìri dzə̀, a bó á yòʼ kì vinyo vidzə̀m ve Tàr wov yii. Vèn sì kén ji ŋkar sém, bìʼ fo m fèrìn ne vinyo ve mò‑oò yuun fo Tàr wor vidzə̀m e vèn.

Ŋgàn 11:20

Nyùy Tàr yii ban ayìíkum, shéʼri wír ve á ghán e wun mbòv.

Matio 13:11

Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.

Ŋgàn 17:15

Nyùy Tàr ban ŋgaà nsaʼ wo wù tínen nsaʼ ŋgaà njò, fəər wun fo ŋgeʼ, a wù ban sa wo wù tínen nsaʼ lànjò, wáy wun e ŋgeʼ.

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Matio 11:25

Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.

Nsùyrì Nyùy 18:26

À kér shilív she juŋ shi vèn à wír ve á kér melív me juŋ mè, din nyár yé e wìr wo wù yòʼ ghán tìítiy.

Ŋwàʼ Jov 29:4

Mò‑oò dzə́, kù túy shwín, a wú táví, a Nyùy koŋ mo, kiŋsìn láʼ yém.

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Ŋwàʼ Luk 16:15

Jesus nèn a suúy aáwune jii, «Kù dzə̀ ven vin ve á laarì sí wíri, din wún ji wír ve juŋe, a kù kì Nyùy melív men. Vèn wáa kiíy jii, vinyo ve wíri búri ji ví mèé e vinyò vi dzə̀ ve ví kóʼoy fo Nyùy kóʼóyín.»

Ŋgàn 14:10

Kù kiiy wír mo nyár rəə́ koó, à mo vijuŋ və́ ví koó, a bó yòʼ dzə̀ tókíshwáŋ, wù kìíy.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Aysaya 41:24

Rúrú, ven vee anyùyi dzə̀ kifá kisáŋ, a dzə̀ vèn yiì kee ka féyì? Wìr wo wù shoʼon a dzə̀ ven, a ghvəm, yiì ne joonè, a koʼóy.