Ŋgàn 3:24 - ŊWÀʼ NYÙY

²⁴ Lóo dzə e ŋkuùr, à neemè, é la à yòʼ a fàn. À kù yíi buuné, é yim shinə́n wò.

Ŋgàn 3:24 Referans Kwoze

Nsùyrì Nyùy 3:5

M neem buúne, lo e yuv kijàvndzə, a dzə̀ bìʼ fo Nyùy Tàr kiŋsìn mo.

Nsùyrì Nyùy 4:8

M yíi neèm, e buuné vèr à nyaáŋ. Éè Nyùy Tàr, kù mày wò, wo à yii kiŋsìn mo.

Ŋgàn 6:22

À yií lóo ghan, é ví wáa dànèr wò, lóo buuné, é ví wáa kìŋsìn wò, yimènè, é ví wáa tir wò.

Jeremia 31:26

Á bèy, mo woo Jeremia yú kin, e yìmèn, e lòo leéy, e yèn ji m kì buùné á mbuùné ye juŋ.

Ŋwàʼ Jov 11:19

À wíy a neŋ, a bó wìr yòʼ wíy a bemér wò. Wíri kù wíy a beè wò anín, a buʼ wó ji à sə́ áwune.

Cù 26:6

«M wíy yiì, é nyaáŋ wáa dzə e věn nsay, é vèn wáa buuné, e làa yòʼ a fàn. M wíy laàr nyám se biibí sí fo věn mvə̀m wòŋ, é la nyùy rə̀r yòʼ a shaàsìn e věn nsay.

Nsùyrì Nyùy 127:2

Ndzə lóo kaʼ, a wìr ló ne e yuv, lo, wù wàa neèm, a yúví kóŋrí ne. Wù lim, ndzəʼnìnè, é bo wù wáy kifá e shuù, kee shooy kidzə̀m ki kù dzə̀ kisáŋ. Nyùy lo kfə́, wù fò vifá ve yi e wír ve wù koŋèe, aá fə̀m buúne.

Esiker 34:15

Mómò, m wíy a dzə nshìy wov, a m wíy a màʼtì, aáwune wáa neèm, a meèmè.› Suuy mo woo Nyùy Tàr.

Lim Aŋgàa Ntum 12:6

Wìy lòo dzə vitsə́ʼ ve Heror kì bvəə́shi, e fəə́r Pita kijàvndzə ji á sáʼ, Pita wáa buuné e vé rərí nsàn abaà, aá kúr wun asháŋ abaà. Vé rər ámóʼó kfə́n a shìy sa shúu lav.

Nsùyrì Nyùy 112:8

Shilív sə́ shí tùúy ne, wù yòʼ fan kifá. Wù leey a dzə̀ fó mbìy ji Nyùy wíy màʼ a aŋgaà və́ vibàn.

Ŋgàn 1:33

Yii bèy, wìr wo wù yú mo, wíy a dzə dzə́ yee nyaáŋ. Wù wíy a dzə e kiŋsìn, là kinyo ké a fàn.

Ŋgaà Tàrvìnyò 5:12

Kìn wánlè lìm yíkir shishàr, kìn wú yíkir e ŋàŋ, bo wù kù yíi buuné, é yim shinə́n wun. Yii bèy, a vikuʼùy vé ŋgaà bùʼ vi yòʼ biíme ji wù bóŋ shimbuùné.

2 Wòŋ 20:30

Á bèy, woŋ Jehoshafati nèn a ker nyaáŋ, bìʼ fo Nyùy və‑əə̀ foon wun rəsìn mbìv sidzə̀m.

Nsùyrì Nyùy 3:6

M yòʼ fan wír vee ansə̀kì ansə̀kì vìn, wír ve á gìŋèn mo, e kaàrí e tàr, ji á yúyrí.

Nsùyrì Nyùy 91:5

À yòʼ yíi a fàn vifá ve ví ghíʼ wíri vitsə́ʼ, a bó à yòʼ yíi a fàn mvən se sí shaasìn e shùy,

Ŋgàn 19:23

Wìr yúnin Nyùy Tàr, wù wàa dzə dzə́ ye juŋe, ŋgaàŋ wàa yikír, a neèm là kinyo ké a fàn.

Aysaya 54:14

Vèn wíy lòo jùmrì kinyo kee réŋ, é la kinyo ki yòʼ sə̀ʼ ven. Bó vèn yòʼ kfə̀n wíy a dzə e wír ve səné sar, a bó vèn yòʼ kfə̀n dzəə́ wìy a fàn kifá. Vèn wíy bòy fo fàn, bìʼ fo kifá ké a bemér ven kí yòʼ wíy a meʼ mentsə̀m men.

Esiker 34:25

«M wíy gwàr *mensaŋ vèr áwune, mee ji á wáa ker dzəʼə̀m yee nyaáŋ. M wíy fəə́r nyám se bi sí fó nsay foo fèy, aáwune nèn yù fó a dzə e kwaʼ, a shiíy e kòv sí, là kindzə́m.

Esiker 34:27

Vicí veé sum ví wíy a koóm báŋ sév kijuŋ, é nsay wáa fəə́r viyíkìr kijuŋ, é wír vémé wáa neŋ ji dèʼ aáwuné nsay. M wíy beʼ kimbùŋ ké vikwàn fo áwuné mbèʼ, e fəə́r áwune fo wír ve á reŋèr áwuneé wo, aá nèn kìíy ji m dzə̀ á Nyùy Tàr.