Ŋgàn 3:23 - ŊWÀʼ NYÙY

²³ Ví yíi a kìŋsìn wò, áà wáa ghan kijuŋ, a bó à yòʼ yíi bàyrìn.

Ŋgàn 3:23 Referans Kwoze

Ŋgàn 10:9

Wìr lóo ker yii ye juŋe, wù kìŋsìn kitú, lóo ker yé kisaŋe, wù gbù e Nyùy kitam.

Ŋgàn 4:12

Vifií ví yíi sə wò, é kinyo ké kidzə̀m ki shémsín, à lóo ghan, é la à yòʼ bàyrìn.

Nsùyrì Nyùy 121:3

Bó yòʼ dzə̀ wù màʼtì, à tò é kinyò ke bi kí. Bó yòʼ dzə̀ wun wo wù kiŋsìn wò, wù wàa buuné buunén.

Nsùyrì Nyùy 37:31

Ntir se Nyùy wov sí dzə̀ aáwuné meliv, aá kù yii, a dzə̀ mo sí suuyì.

Sekariya 10:12

Mo woo Nyùy Tàr, m wíy luŋ wír vém, aá wáa dzə antav, e yiì, aáwune wáa ghan e mǒ mbòv. Suuy mo woo Nyùy Tàr.»

Ŋgàn 2:8

Wù kiŋsìn wír ve á tínen vinyo e nsànloŋ, bávti dzəʼə̀m wìr ve á tíy e wun wùn.

Nsùyrì Nyùy 121:8

Nyùy Tàr yíi a leéy fo wò, mo à yíi a fəə, a ghan, a kfən e bàm, e kèʼ fo lèn, e dù, e jòʼsì.

Nsùyrì Nyùy 119:165

Wìr dzə̀m wo wù koŋ Nsər yè kér nyaáŋ ŋkuuŋkùŋ, a bó kifá ki yòʼ dzə̀ shó, ke dzə̀ kí yiì, áwune bàyrìn.

Ŋgàn 6:22

À yií lóo ghan, é ví wáa dànèr wò, lóo buuné, é ví wáa kìŋsìn wò, yimènè, é ví wáa tir wò.

Aysaya 5:27

Vé rər víne wiyì, a bó wìr mòʼón fo áwuné mvəm yoʼ dòr, e bó a bàyrìn, a bó wo wù yeʼè, kìn ji wù wáa buuné yòʼ dzə̀. Wìr fo áwuné mvəm wo kikuúví kí wèʼèn ne yòʼ dzə̀, a bó wo lábáʼ tinen ne yòʼ dzə̀.

Aysaya 63:13

Wù‑uù danèr wíri, aá shaa e mvə̀m rìbà ndzə̀v kicaárín, kù moo nyambàràʼ ye yì léʼ e nsay siy, e laà yòʼ a bàyrìn.