Ŋgàn 3:21 - ŊWÀʼ NYÙY

²¹ Wan wòm, á tiy e vifii ve ru ví, a kiíy jeéyjeéy fó vinyò. Á yen fo vifií vin ví fəə́ fo wò kitu.

Ŋgàn 3:21 Referans Kwoze

Joshua 1:8

Lá à yòʼ wìy yàr fó a yòŋ Ŋwàʼ Nsər və̀n. Á yòŋ, a rə̀tì e shùy wùn à vitsə́ʼə́. Kú a yen ji à wáa yunín a kinyo kidzə̀m ke kí dzəə̀n shó, é dzə́ə sé si nèn a ran, é vinyo vé vi wáa ghan kijuŋ.

Ŋgàn 4:21

Lá à yòʼ màʼày jí sém. Ku lèm, a yen fo sí fəə́ fo wò kitu,

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

1 Joon 2:27

M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

Joon 8:31

Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

Ŋgàn 2:7

Wù fó kiíy e wír vee là nseme, a dzə̀ wun ŋkeè wìr ve á yii vinyo ve ru ví.

1 Joon 2:24

M nén a suúy e vèn jii, vèn kú a tiy a dzə̀ é kinyò ke vèn‑eè tòmbìy yù kí. Vèn lóo tiy sho bèy, é vèn à Wàn Nyùy nèn a dzə kintatì, é vèn wáa dzə sa vèn à Nyùy.

Ŋgàn 1:4

Ŋgàn sìn si yíi a yeʼéy anjìʼ, aá wáa ker vifií, a mvə̀ʼtì vifií vé wàʼbìn, aá wáa kiíy mó a tàr vinyo, a shoʼ ke juŋ ki.

Ŋgàn 5:2

áà bóo fíʼ kiíy mó a kìŋsìn kitú ké, a kiíy jeéyjeéy fó vinyò, é vinyo ve ví fəə́ fo wò shuù vi wáa dzə ve ví kér vifií.

Ŋgàn 8:14

Tír mo wíri, a fó mo vifií ve ru ví. Yii mo, bo á wáa kiíy jeéyjeéy fó vinyò, a kiíy e ŋàŋ.

Ŋgàn 18:1

Wìr lóo ker shií a dzə̀ e wun kinyò, la wù yòʼ a tàʼ ŋkar sinín, ŋwáy kinyo ke Nyùy tinen ŋwáyín.

Ŋgàn 4:6

Aà ghàr a dzə̀ vifií, bo ví yíi a leéy fo wò. Kú a koytí, é ví wáa kìŋsìn wò.

Ŋgàn 19:8

Wìr wo wù kér vifií koŋ kitú kfə́, wìr yéʼey, kiiy jeéyjeéy fó vinyò, wù wàa kuy.