Ŋgàn 3:20 - ŊWÀʼ NYÙY

²⁰ Wù‑uù jàvsìn ndzə́v ye yí‑iì sùmèn nsay, yímóʼó kfə́n é yuv, mbàʼ si wáa fo ŋweʼ e kitu ke nsay.

Ŋgàn 3:20 Referans Kwoze

Kèʼlo 7:11

A kishiíy kee shooy ki‑iì dzə̀ kee nshòv saàmbà e ghvə̀m fo ŋwee woo baà, e kiya ke Noa‑aà meen ne viyá ghií ntuùfú. E kishiíy fóo fèy, ntòŋ sé ndzəv sí mvə̀ʼkìr, ndzə́ví wáa meekír fo loònsay, yúví mvə́ʼ shuu, e lèm e rə́,

Kèʼlo 27:28

M lón ji Nyùy kú a səʼə́r ŋweʼ fo yuv, é nsay wáa fo wò vifá nyanyày, vifá ve yi wùn à *meluʼ mè.

Kèʼlo 1:9

Nyùy nèn sùúy jii, «Ndzə́v ye yí dzəə̀n é sar yuví báʼtí kirə́ʼ kimòʼón, é kirə́ʼ ke yumér kí yénsín.» Kí ku nèn a dzə bèy.

Joel 2:23

Éè wìr veé Sion, vèn wáa sheʼrí. Vèn wáa yu vijuŋ ve vinyò ve Nyùy Tàr woo Nyùy won yiìn e vèn ví. Wù yiì ne, wuú mbìyi gbú, e fíʼ dìn ji wun yù ne tóŋ yén. Wù sə̀ʼə́r ne wuú mbìyi, e sə̀ʼə́r yé bàmé, yí ku lò ben e mbòŋén, kù mo yí‑iì rə́si ló.

Jeremia 14:22

A dzə̀ anyùy kisaŋ veé vitum vìn, á sə̀ʼə́r wuú á? A dzə̀ mbàʼ, yì joʼsi ji mbàʼ, yì wìy e wuú á? Aày, kù jòʼsì wò, éè Nyùy Tàr woo Nyùy wor. Vèr kù tiir vifií vér a dzə̀ e wò wùn, bìʼ fo kù yii yii wò vinyo vìn vidzə̀m.

Remrí 33:28

Àwáa, Isray, vèn wáa dzə rì e wún wóné ji nyaáŋ. Kidzəə́y ké Jakov ki wáa dzə kikiŋsìn, a dzə e nsay, a viyíkìr wùn à meluʼ mè tsəətìn fo, a ŋwéʼe sə́y fo yuv, səv nsay.

Ŋgàn 8:24

Bo rìbà ndzə̀v wáa dzə, é ntòŋ sé ndzəv sí keʼ, a meekír, a mò‑oò sì.