Ŋgàn 3:2 - ŊWÀʼ NYÙY

² Sí yíi sə wò, áà wáa ker dzəʼə̀m ye dáa, e sə wò, áà wáa ker dzəʼə̀m ye juŋe.

Ŋgàn 3:2 Referans Kwoze

Ŋgàn 4:10

Wan wòm, yuúrí, sə́ ntir sém sí, é dzəʼə̀m yée wìy dàr.

Ŋgàn 9:11

Aà suúsin vèn à vifií ví, bo ví yíi dzə̀sì vishiíy vé. À ghár, bo ví darìr dzəʼə̀m yé.

Nsùyrì Nyùy 91:16

M wíy laamé wun e dzəʼə̀m ye dáa, e dìn wun ji m dzə̀ Ŋgaà Lùŋèr və.»

Ŋwàʼ woó Rom 15:13

M nén a lon jii, Nyùy wo vèsən shiy ji wù wíy lùŋèr vèsən və̀n ku yiì, é vèn maysi, e wày shilív e Jesus Kristu wùn, é kishéʼrì ki rún e věn meliv, é mè wáa dzə nyaáŋ. Vèn lóo yiì bèy, é Kiyoy ke Ranén kí kfə́n a tavír melív men, é vèn wáa dzə, a leéy a dzə̀ fó mbìy, a shìy ŋkàʼme Nyùy, é wù luŋer ven.

Nsùyrì Nyùy 128:6

Nyùy Tàr ku yiì, é wù wìy yèn wón won və́. Nyaáŋ wáa dzə e Isray.

Nsùyrì Nyùy 119:165

Wìr dzə̀m wo wù koŋ Nsər yè kér nyaáŋ ŋkuuŋkùŋ, a bó kifá ki yòʼ dzə̀ shó, ke dzə̀ kí yiì, áwune bàyrìn.

Ŋgàn 10:27

À yúnin Nyùy Tàr, dzəʼə̀m yée yiì wàa dzə e da, méŋ wun, yí wàa dzə e tsə́m.

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Ŋwàʼ woó Rom 5:1

Mo Nyùy liìn ne vèsən ji wír vee là jay, bìʼ fo vèsən wayin shilív e wun wùn, vèsən áwune nen suùsín, a dzə kijuŋ, a kù yiì Tàr wòsən Jesus Kristu.

Nsùyrì Nyùy 21:4

Wù‑uù lòn ji à kim á dzəʼə̀m rə́, à kím, e fò dzəʼə̀m sho e da wùn à rámé là may.

Ŋwàʼ woó Rom 14:17

A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ.

Aysaya 32:17

Yii yee réŋé wíy wìy e nyaáŋ, a yiì, é wíri wáa neŋ ji dèʼ, là kinyo ké a fàn.

Ŋwàʼ Jov 5:26

Mo saárí yii bíy, é bo á wáa tin, bo à kù wíy dzə̀n bèn, e koŋrí, e bóo kpu.

Remrí 11:21

Vèn ku wìy a yiì bèy, ji vishiíy vé vèn à wón vén ví fiʼ wìy dàr e nsay ye Nyùy Tàr‑iì kàʼàn atàr vén shó, é vèn wìy dzə̀ʼə̀m fo, e wìy dù, e meé mo yúv wùn à nsay wíy dù, e jòʼsì.

1 Afòn 3:14

Aà ghán e mǒ mbòv, yú sáʼ yém, kfə̀n yúnin nsər sém mo Davir woo tàr won‑eè yii, bo m wíy fo wò dzəʼə̀m ye dáa.»

Ŋgàn 16:31

Kitú ke fəvír kí dzə̀ ntáraʼ vikùʼùy, a dzə̀ vilaámé vé dzə̀ʼə̀m yee tìítiy.

Remrí 5:32

Mooser kfə́n a yòŋ jii, «Wír veé Isray, kù dzə̀ cáʼ ji vèn ku wày ŋàŋ ji á wáa yiì a dzə̀ mo Nyùy Tàr woo Nyùy won yòŋèn e vèn. Lá vèn yòʼ shòʼór nsər rə yìmòʼ, e bàr ŋwàn.

Ŋgàn 4:4

Tàr wor nèn a tir mo, a sə̀ntì jii, «Lèm jí sém sí e wò kitu, a lèm nsər sém, e fíʼ wìy a ker dzəʼə̀m ye dáa.