Ŋgàn 3:14 - ŊWÀʼ NYÙY

¹⁴ Séʼ wo wù lo fo vifii vee ben bòŋ feyì, e shaà wo wù lo fo kishà ke mbàm ke fəvír kí, e kfə̀n shaà wo wù lo fo ke baar kí.

Ŋgàn 3:14 Referans Kwoze

Ŋgàn 16:16

Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Ŋgàn 8:19

Kifá ke kí lo fo mǒ kiwo kidzə̀m ki bòŋ e ŋàŋ, kí bòŋ, e shaà kisha ke mbàm ke fəvír kí, e kfə̀n bòŋ, e shaà ke baar ke á shèŋrìn.

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Nsùyrì Nyùy 119:111

M lì ne vinyo ve à dìnèn ji vitsə́ʼ vém vee là may. Eè, dzə̀ víwun ve ví fó mo kishéʼrì e mǒ shiliv.

Ŋgaà Yen 3:18

M nén a tir ven jii, a vèn bèn taʼ a dzə rú vé bùʼu, vèn wìy, e yèn a dzə̀ mo, e yùn vifá vee vifá. Vèn wiy, e yùn *kisha ke mbàm ke ru kí ke á tònèn ne, e shèŋrì. Vèn wiy, e yùn ndzə̀y se sí fə́r kijuŋ, e sə̀tí kinshóʼ kén shó, fo wíri wáa yen, e kfə̀n yùn kifú, e wày e věn si, e fíʼ a yen virə́ʼ.

Ŋgàn 2:4

Kú a tàʼ feyì mo wìr jùm mbàm, a tàʼ moo bùʼ wo wù dzəə̀n é kilìtì.

Nsùyrì Nyùy 119:162

M shéʼri ŋkàʼme wò e ŋàŋ, moo wír wo wù toon é bùʼ e gháʼán.

Nsùyrì Nyùy 119:72

Yéʼéy ye yí fəə́ fo wò shùu bòŋ mo féyì. Yí shaà nyanyày *kisha ke mbàm ke baar wùn à ke fəvír kí kàŋ là táŋ.

Ŋgaà Tàrvìnyò 7:11

Vifií ví bòŋ sa réŋréŋ moo vitsə́ʼ ve wìr yiin. Ví fó séʼ e wìr dzə̀m wo wù dzəə̀n é sar shùy.