Ŋgàn 3:10 - ŊWÀʼ NYÙY

¹⁰ À yii bèy, é Nyùy rúnér vitáv vé e viyíkìr vi, é meluʼ mè yiì a bvəʼtí vitém vé bvəʼtín.

Ŋgàn 3:10 Referans Kwoze

Ŋgàn 19:17

Wìr wo wù shám ŋgaà kitàn, maʼ a dzə̀ Nyùy Tàr ŋgwáʼ, a wù wíy kòr mo wù‑uù màʼàn.

Remrí 28:8

«Nyùy Tàr wíy màʼ kisəəvì e věn wùn, e màʼ e věn vitàv, e màʼ e kifa kidzə̀m ke vèn yii. Wù wíy səə̀vì ven é nsay ye wun woo Nyùy Tàr woo Nyùy won fó e vèn.

Ŋgàn 22:9

Wìr lóo ker wó rə́ tèéter, Nyùy wàa səə̀vì wun, bìʼ fo wù jav vifá ve yi e vé kitàne.

Joel 2:24

Sáŋé yíi a dzə e riimé se á búʼ sho nyanyày. Meluʼ mè yíi runkír e bii se á kám sho, é meŋgvə́r mè rúnkír é bii se á nyeŋ sho.

Matio 10:42

Vèn wáa kiíy rú jii, a wìr fə̀m fò a dzə̀ bàr mendzə̀v e wìr wùmòʼ ji bìʼ fo dzəə̀n wóom woo wír, a fə̀m dzə̀ shiwír e le, bo ŋgaàŋ kù wíy a ker vilaámé, a bó yòʼ dzə̀ ví bùŋ.»

Hagay 2:19

Ká ŋgoòy kifa yoʼ dzəə bèr e věn vitàv? A bó vitiír vé *vayin vi yóʼ ne kèʼ a koóm, a vicí vé *fig wùn à vé *grenadin, à vé *oliv vi kù dzəə́ tíy e ŋkfə́né? Yii bèy, e kèʼ fo lán, m yíi màʼ kisəəvì e věn vifa veé sum, é ví wáa kuy, a koóm, a tsəə̀tìn tsəə̀tìn.»

2 Wòŋ 31:21

Vinyo ve wù‑uù yii vidzə̀m, wù kù‑uù tiir a dzə̀ Nyùy fo mbìy, nèn yii shilív sə́ shidzə̀m, kìn dzə̀ vinyo ve wù‑uù yii bìʼ lav Nyùy, kìn vímóʼ vee vinyo ve wù‑uù yii mo Ŋwàʼ Nsər Nyùyi taʼà. Nyùy ku nèn sə̀ wun, vinyo və́ ví wáa dù kijuŋ.

Nsùyrì Nyùy 144:13

Ku yiì, é vitáv vér vé vifa ve yi vi rúnkír. Ku yiì, é ví rúnkír, a jamtín e vifá ve yi vi kfəə́ si kfəə́ si, e yiì, é njiì wor wáa dzəə́ wón nyanyày, a run kwáʼ si.

Remrí 14:29

Kù wíy a dzə vifá ve wìr veé ram Levi mo bó á yòʼ kér kirə́ʼ, kìn vitsə́ʼ e věn mvəm, a dzə̀ sá vé abeèshaà, à vé wón tsə̀ə́, à vé vikǐy ŋkfə ve á dzə́ e věn mvəmé, aáwune wáa yi, a lùŋ fo fo. Vèn lóo yiì bèy, é Nyùy Tàr woo Nyùy won wìy a səə̀vì ven e věn lìm si sidzə̀m se vèn limè.»

2 Wòŋ 31:10

Asaria woo kitú ke atàá cù woo ràm fo Tsadok nèn bìnèr jii, «Wíri‑iì kèʼ a wìy e vifá vi e Nyùy Tǎr lav, vèr nèn a ker vifá ve yi kijuŋ, e nèn a yikír, a kur, vifá vi kfə́n a tuyín tuyín vigháʼán. Ví‑iì tùyín ben, bìʼ fo Nyùy Tàr‑iì səə̀vìn wír və́.»