Ŋgàn 3:1 - ŊWÀʼ NYÙY

¹ Wan wòm, lá à yòʼ ŋwày ntir se mò‑oò tír wò sho. Á lèm ntò sém sé yeʼéy si.

Ŋgàn 3:1 Referans Kwoze

Ŋgàn 4:5

Lá à yòʼ làysìn, e bìn ndzə̀m e ntir sém sí. Kú a kiíy vinyo, a gwàrìr mo ví gháné.

Nsùyrì Nyùy 119:16

M yíi a sheʼrí sáʼ yé, e làa yòʼ a làysìn jí yè.

Ŋgàn 1:8

Wan wòm, ku yuùrí ntir tàr won, lá à yòʼ ŋwày yéʼéy ye yè won fó e wò.

Nsùyrì Nyùy 119:93

Bó m yòʼ wíy làysìn ntò sé se yeʼéy, bìʼ fo à shaàn a dzə̀ fó fo, e bóo yiì, é m luŋ.

Nsùyrì Nyùy 119:34

Fó mo vifií, é m bóo fíʼ a jùmrì Nsər yè, a yiì mo yì dzəə̀n, shilív shidzə̀m.

Jeremia 31:33

«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

Remrí 8:1

Mooser kú a yòŋ jii, «Vèn ku wìy wày ŋàŋ, a yunín nsər sidzə̀m se m fó e vèn lán və̀n. A vèn wìy a yiì mo sí dzəə̀n, bo vèn wíy a bonén, a shiíy, e kfə̀n a kùʼ, e wìy dù, e yòv nsay ye Nyùy Tàr‑iì kàʼàn atàr vén shó.

Nsùyrì Nyùy 119:153

Ku lèéy ŋgeʼ ye m yéné, e fə̀ə́r mo fó fo, bìʼ fo m yòʼ laysìn Nsər yè.

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

Nsùyrì Nyùy 119:176

M sí ján janén moo njiì wo wù làyìn ne, ku tàʼ ŋgaà wò lìm və̀n. M yòʼ laysìn nsər sé.

Remrí 4:23

Vèn kim vitú vén ví. Vèn wáa yen fó làysìn ntò se *mensàŋ me Nyùy Tàr woo Nyùy won‑eè gwàrìn vèn áwune, e lò, e fèr shibvə̀m e nshwìnin kifa, a Nyùy Tàr‑iì shàʼnín ne fo vèn.

Ŋgàn 31:5

Kí yoʼ ghèén gheéy ji áwune nó, e mèŋ fo á dzəə̀n, e shòʼór nsər, a shii e melùʼ, e fiìnè ghay aàghéʼnceyí.

Aysaya 51:17

Wír veé Jerusalem, vèn lo é yuv, vèn lokir é yuv. Vèn ŋáʼáy, e tìím e yuv, e yìmrì vitú vén ví. Vèn nò ne bàr ŋgeʼ wo dòʼshwiíy kivin Nyùy Tàr, wù fó ji vèn nó. Vèn nò ne, à kidzə́ŋ kí shó, e lò, a tùŋkìr.

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Nsùyrì Nyùy 91:16

M wíy laamé wun e dzəʼə̀m ye dáa, e dìn wun ji m dzə̀ Ŋgaà Lùŋèr və.»

Nsùyrì Nyùy 119:61

Wír ve á méŋ wòo gìm ne mo, e tàr áàlíŋé. Yii bèy, a bó m yòʼ laysìn Nsər yè.

Ŋgàn 2:1

Wan wòm, ku yù jí sém sí, e lèm ntò sém sé yeʼéy si.

Ŋgàn 4:2

bìʼ fo ntò se yeʼéy se m lo, a fo e vèn sí dzə̀ see tìítiy. Lá vèn yòʼ ŋwày ntir sém. Mò‑oò kúy sa e tàr wór kiwo,

Ŋgàn 16:31

Kitú ke fəvír kí dzə̀ ntáraʼ vikùʼùy, a dzə̀ vilaámé vé dzə̀ʼə̀m yee tìítiy.

Ŋgàn 23:26

Wan wòm, tiír vifií ví e mǒ wùn, e lì liì a dzə̀ wóom.

Remrí 5:16

« ‹Ghvə́m tàr won wùn yè won mo Nyùy Tàr woo Nyùy won yòŋèn e vèn, áà fíʼ a dzə dzə́ ye juŋe, e wìy dzə̀ʼə̀m ntàmda e nsay ye Nyùy Tàr woo Nyùy won sí fó e vèn.

Remrí 5:33

Vèn ku wìy a yiì kinyo kidzə̀m ke Nyùy Tàr woo Nyùy won yòŋèn e vèn kí, a ghan e wun mbòv, e fíʼ a dzə sho, é vinyo vén ví wáa ghan kijuŋ, é vèn kfən bònen bèʼrí e nsay ye vèn yíi dù, e yòv.»

Ŋgàn 4:21

Lá à yòʼ màʼày jí sém. Ku lèm, a yen fo sí fəə́ fo wò kitu,

Ŋgàn 8:1

Wìr dzə̀m yuúrí, e yù mo vifií ví fúŋé, e kfə̀n yuùrí mo kiíyi nan jí, fó yéʼéy.

Ŋgàn 9:1

Vifií ví bàʼrì ne lav rə, e tùúy vitóm saàmbà e wùn wó.