Biblia Todo Logo
Bib sou entènèt

- Piblisite -




Ŋgàn 29:4 - ŊWÀʼ NYÙY

4 Fòn lóo yiì vinyo e nsànloŋ, kitúm ki wàa tiy kitávín, a wo wù sə́ kòyàr kù bívir kfə́ bívírín.

Gade chapit la Kopi




Ŋgàn 29:4
19 Referans Kwoze  

Fòn lóo tinén kinyo ke ŋgaà kitàn e nsànloŋ, bo sáʼ rəə́ kù wíy a tiy fo, e dù, e jòʼsì.


Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.


Njìlaʼ fòn woó Siiria və̀n wíy yi vifon, é wù tsə́nsí wír wo wù báʼti mbàm se bàràʼ ji wù fiʼ ghàr bùʼ woó kitum, é wù wáa tiy fo. Shintàm shi lóo dàr, aá laar fon və̀n, a bo wù yòʼ wíy kpu a dzə̀ bìʼ melaà, kìn rə́r.


Fòn kóʼ e kàvàʼ ji wun tínen nsaʼ, lóo tàr kinyo, wù kìíy kíwun.


Nyùy Tàr kfə́n a suúy e wìr və lìm jii, «Mò‑oò ji ji m wáa sə wíri, a m kì yù ne tóŋ yé, e shàm wò. Mò‑oò lóo lùŋèr wíri, e nèn kù sə̀ wò. M lèm ne wò ji kilaa ke *mensàŋ me vèr à wíri, aà wíy siìr wíri aáwuné nsay, é wíri kfə́n é nsay ye yì‑iì dzəə̀n yéev féyì feyì, é bo yì kfə́n é vifə̀m.


Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.


Fòn yii ban yii ye bií, bìʼ fo sáʼ fòne yii tuuy a dzə̀ bìʼ yii yee tìítiy.


Fó mo vifií áàfone, é bo á wáa saʼ kijuŋ, fó mo vifií e vé saʼa, é bo á wáa tinén vinyo e nsànloŋ.


Fon wo ghaʼtín, wò wo à koŋ kinyo a dzə̀ kee tìítiy, à tùúy ne kinyo keé nsànloŋ e Isray. À yiì ne, wíri wáa yiì vinyo tìítiy, a dzə là jay.


À bàʼrì sáʼ yé a dzə̀ e yii ye juŋe, là kiloʼ. À kù tìír a dzə̀ koŋ yé wùn à suuyrú wò fo mbìy.


Búríi wáa dzə fo Nyùy Tàr woo Nyùy wò, wun wo wù kòŋèn wò, e lèm e kàvàʼ ji fon wo wù wáa saʼ e wun yir, mo Nyùy Tàr woo Nyùy wò kòŋèn wír veé Isray, a tàʼ, e tuúy áwune, aá wáa tiy fo, e wìy dù, e mày. Wù nen kòʼór wò ji fon wo wù wáa saʼ áwune, a saʼ vifon tìítiy, là kiloʼ.»


Á bèy, Solomon nèn lì kirə́ʼ ké tàr wov Davir, á kóʼór wun e kàvàʼ, sáʼ rəə́ tuúy.


Á bèy, Davir wáa saʼ woŋ Isray e dzə̀m, a yiì vinyo e wìr dzə̀m réŋréŋ là kiloʼ.


Samuel suúy jii, «À yiì a dzə̀ kiyúŋ ké kinyò. À yoʼ lò yùnín nsər ye Nyùy Tàr woo Nyùy won foon e wò. A dzə̀ ji à waà kì yùnín, bo à kì wíy a saʼ Isray ghán sidzə̀m.


Wù ku dìn wò vifií ve ru ví, ve ví yii dzə́ e kilìtì. Vifií ve ru ví kù yii kér mbìv sibaà. Jov, kú a kiíy ji bó Nyùy yoʼ màʼ ŋgeʼ e wò mo kì dzə̀ wù màʼ.


Yii ye juŋe yii kóʼor kitúm, jay kù a shoór kfə́ shoorín.


Fòn súŋnin e Nyùy kiliŋ, a kinyo ke wù tínen fo wun shuù ki dzə̀ kee tìítiy.


Swiv nou:

Piblisite


Piblisite