Ŋgàn 29:2 - ŊWÀʼ NYÙY

² Wír ve á yú Nyùyi kóʼ e ntaʼ, wíri wàa sàvnìn. Wír ve á méŋ Nyùyi lóo saʼ, wíri wàa shwemkír.

Ŋgàn 29:2 Referans Kwoze

Ŋgàn 28:12

Wìr wo wù yú Nyùy kóʼ e ntaʼ, wíri wàa sàvnìn. Wìr wo wù méŋ Nyùy kóʼó, wíri fəə̀ nsàm.

Ŋgàn 11:10

Wíri yúnin Nyùy, kuʼkìrì, ŋkàlaʼ wàa yu vijuŋ. Wíri méŋ Nyùy, kpúkirì, ŋkàlaʼ wàa seŋ.

Ŋgàn 28:28

Wìr wo wù méŋ Nyùy kóʼ e ntaʼ, wíri fəə̀ nsàm, wù gbu fo ntaʼ, wír ve á yú Nyùyi lì sáʼ.

Esta 8:15

Mordekay‑iì lo fo ntoʼ, a wù kér ndzə̀y sé vifòn se sí kér virə́ʼ ve səənén ví wùn à ve fəvír ví e wun wùn. Wù kfə̀n‑eè sòv ntáráʼ wo wiy, aá fér e kisha ke mbàm ke baar kí, e ndzə̀m e kinsàr ke ndzə̀y ke kí baaŋè, kiʼ kijuŋ ki. Wír veé Susàa wáa dzə kév, a sheʼrí sáʼ fòn, a seŋ, a sàvnìn.

Ŋgaà Tàrvìnyò 10:5

M kfə̀n yèn kinyo ke bi kímóʼ kí é sar shùy fèn, a dzə̀ jay wo wù lo fo atǎr saʼa.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Esta 3:15

Nsheèlav si ku nèn lì sáʼ rə̀y, e sàmèr cércér. Á kfən sàʼ sá e kinsàʼwày é ŋkàlaʼ fòn yee Susa. Fòn wùn Haman nèn dzə̀ʼə̀m ji á nó á meluʼ, á wáa no, a ŋkàlaʼ yee Susa sí bvəə́ri bvəə̀rín.

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

Matio 2:3

Á lòo dzətí, kí tó e Fòn Heror kitùʼùr, vifíi və́ ví bír, vé wìr veé Jerusalem vi bvəə́rí sá adzə̀m.

Ŋwàʼ Jov 34:30

a kiŋsìn wun woŋ fo abìnbìnteʼnsə́mé wáa saʼ, kiŋsìn fo á wáa neèr kitám ji wíri wáa lì sho.

Ŋgàn 28:15

Ŋgaà saʼ wo wù méŋ Nyùy, taá aàŋgàa kitàné kitu kù dzə̀ moo bvərə̀ʼ wo wù nyamkìrì, kìn baá wo jìŋ sòyìn.

Ŋgaà Tàrvìnyò 10:6

Kinyo kìn ki dzə̀ jii, á sí kóʼor viyúŋ áàntaʼ ve á kér ghvə́m, sə́ʼər vé ghàyi, dzəʼə̀r aàntaʼ vee fó tèr.

Ŋgaà Tàrvìnyò 4:1

M kfən lèéy, e yèn mo á nəʼsì wíri é sar shùy fèn. M yén, aàghéʼnceyí tóŋé, a bó ŋgaà sə̀mér yòʼ dzə̀, bìʼ fo vitaáví ví kù siìn áàŋgàa vibàn véví wo, aá táy áwune, a bó yòʼ dzə̀ wìr mùm fóo tom áwune.