Ŋgàn 29:1 - ŊWÀʼ NYÙY

¹ Wìr wo á tír wun, a wù ŋwáy ntir, kù yíi sàsìn, e gbù, a bó dzəə̀ lùŋ yòʼ kfə̀n dzə̀.

Ŋgàn 29:1 Referans Kwoze

Ŋgàn 6:15

Bìʼ bey, bó shintàm shi yòʼ‑óò dar, a bó kinyo ki súm wun, a bó dzəə̀ ye wù kúy yòʼ kfə̀n wíy a dzə.

1 Samuel 2:25

A wìr lòo dzə e jày wùn wùmòʼ, Nyùy nəə́ aáwuné nsàn, wù màn jay wov, yii bèy, wìr jáy wùn Nyùy Tàr, bo yíi man la jay və?» Á bèy, la wón Elií yòʼ yù ntir tàr wov, bìʼ fo Nyùy Tàr‑iì sìysìn ne ji wun wíy laàr a áwune.

Ŋgàn 28:18

Wìr wo wù gharin suuyrú, e kpù shó kù wíy a tiy là kinyo ké a fàn, a ŋgaà yiì ye bií kù wíy lò kfə́, e to toón é bii.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Joon 13:26

Jesus bìnèr jii, «Wír wo m yíi sə̀ʼ nshèv é kiban, e fo sho, dzə̀ ŋgaàŋ.» Wù nèn sə̀ʼ, e fò a dzə̀ e Judar wo dzəə̀n wan Simon Iskariyor.

Lim Aŋgàa Ntum 1:25

ji wáa dzə ŋgaà ntum Jesus, é wù li kirə́ʼ ké lìm ke Judar‑iì leʼen, e màʼtì, e dù fo wù duùn.»

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.

Lim Aŋgàa Ntum 1:18

Pita wáa suúy bèy, a Judar‑iì yiì joonè və́ vəy, e sə̀ mbàm sə́ sé menàŋ, e yùn kirə́ʼ shó, a dzə̀ fo wù‑uù gbuùn tsə̀ə́tsəŋ, bvə́me waám, vitó vi fəə́ vidzə̀m.

Nehemia 9:29

Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.

2 Wòŋ 36:13

Fòn Tsədekiya nèn lò, e mèŋ sáʼ Fòn Nebukadnessar, a Fòn Nebukadnessar‑iì yiì ne, Tsədekiya lìʼ e Nyùy yir ji wun yíi a neŋ a e wun sar saʼ. Tsədekiya kú a tav kitú tavín, e tèn fó bìnèr shilív sə́, e kfən fo Nyùy Tàr woo Nyùy wìr veé Isray wùn.

2 Wòŋ 33:10

Nyùy Tàr‑iì súŋnin e Manasse wùn à wír vəə́, aá yòʼ kwe.

1 Afòn 22:28

Mikayia suúy jii, «A fòn lòo dzə, e dù, e kfə̀n é bàm kijuŋ, là kinyo, bo bó Nyùy Tàr yòʼ‑oò lò sùŋnín rú e mo.» Mikayia wáa dzə̀sì, a suúy jii, «Wìr dzə̀m səəm kinyo ke m suuy ki.»

1 Afòn 18:18

Elija bìnèr jii, «Yòʼ fó mo Isray ŋgeʼ. Kù fó vèn à lav tàr won Isray ŋgeʼ. Vèn màʼày ne nsər se Nyùy Tàr, a ghvəm a dzə̀ nyùy woo *Baal.

1 Afòn 17:1

*Ŋgaà ntum Nyùy woo Elija nèn lò wìy, e yèn Fòn Ahav. Elija‑aà dzə̀ wír woó Tishbe, a dzə̀ ntèʼ é Gilead. Wù suúy e Fòn Ahav jii, «Mo Nyùy Tàr woo Nyùy wìr veé Isray dzəə̀n shó, wun woo Nyùy wo m lo ntum sə́, bó wuú kìn ŋweʼe yòʼ wíy tum e nsay, a bó m suúy.»

1 Samuel 2:34

Wón vé vee vilum vee Hofni wùn Finehasi wíy kpu kishiíy kimòʼón, é nèn a dzə kisəəm fo wò ji vinyo vidzə̀m ve m suuyin ví kù waà wíy koóy.

Jeremia 17:23

Yii bèy, áwune yòʼ‑oò lo yuùrí, e làa yòʼ fə̀m a gwàrìr, e lò fo fo, a tav a dzə̀ kitú, e làa yòʼ yuurí ntir rə̀n, e làa yòʼ səəsí.

Aysaya 48:4

Mò‑oò yii bèy, kù kiiy ji vèn tàv á kitú feyì, a bó vèn yòʼ yíi a yu kinyo. Vèn dzə̀ rú ben, a kitú kén ke tavín kí yòʼ dzə̀ é kirə̀ʼ, kiguynìn kén kí dzə̀, a kí kóʼ bam.

2 Wòŋ 25:16

Kú a dzə, a ŋgaà ntum Nyùy dzəə́ súŋninè, Fòn Amatsiya nèn shèr jí rə jii, «Lèm la wò ji ŋgaà ntir fòn? Sə́tí shuu wóo, bo wò‑óò kpú.» Ŋgaà ntum Nyùy nèn sə̀sín, e bóo lò, e suúy jii, «M yèn ne ji Nyùy wày ne ji wun kù‑úù laar wò. À kì yiì ne jay, m lóo fo ntir lèn, à tén yú.»

1 Afòn 20:42

Wù suúy e fòn ji Nyùy Tàr suuy a jii, «Mo à màʼtìn wír wo m yòŋèn ji à yuyrí, wù dú, bo à lo, e kpu e wun kiliŋ, é wír vée kpú sá e vəə́ kiliŋ.»

Ŋwàʼ Jov 9:4

Nyùy fìír feyì, a wù kfə̀n tàv é ŋàŋ. Yì‑iì tàv ne la kitú wùn wun, kí lím?

Ŋgàn 28:28

Wìr wo wù méŋ Nyùy kóʼ e ntaʼ, wíri fəə̀ nsàm, wù gbu fo ntaʼ, wír ve á yú Nyùyi lì sáʼ.

Jeremia 36:31

M wíy màʼ ŋgeʼ e wùn kitu, e màʼ e rám rəə́, à e və́ vé saʼa, a dzə̀ bìʼ yii yév kisaŋe. M wíy wìy e ŋgeʼ si sidzə̀m se mò‑oò yòŋèn ji m wíy nəə́ áwune shó, e nəə́ sa wír ve á dzə́ e Jerusalem, à veé Judàa adzə̀m, a kù dzə̀ bìʼ fo áwune tenen fó yu kinyo kém.› »

Habakuk 2:7

Vèn maʼti, kilòŋ kí yíi shwiíy aŋgaà vén kaa, aá binkir, e faàsì kifá kidzə̀m ke vèn kérí, é vèn wáa tiy, a yàʼ, là ŋgaà dzər.

Ŋwàʼ Fəə 9:7

Farao túm wíri, á dù, e lèéy, e yèn a bó nyàm yoʼ kpù fó mvə̀m nyàm se wìr veé Isray. Yii bèy, Farao ku tàv kitú, e làa yòʼ màʼtì wíri ji á du.

Ŋgàn 28:14

Bòŋ ké wìr wo wù ghvə́m Nyùy Tàr ghán sidzə̀m, yii bèy, a wìr wo wù táv a dzə̀ kitú kù yíi jòʼsì kfə́ é ŋgeʼ.

Aysaya 28:22

Á bèy, ven vin, vèn kér fóo yàr lám wó a té e mǒ wùn. A vèn dzə̀ là fóo yàr, bo vikwàn ve vèn ló a rèŋ vi lo, e dzə̀r. Kí dzə̀ jii, m yù ne kimaysì ké kinyò ke Nyùy Tàr woo Taà Mànjòŋ, kinyo ke wun woo Taà Ndzə sìysìn ji wun lo, e laàr kitúm kén kidzə̀m.

Jeremia 14:19

Nyùy Tàr, à mèŋ ne rú Juda ŋkuuŋkùŋ à? À sí ban rú wír veé Sion à? À lèmér ver é ŋàáŋàŋ, ye lá vèr yòʼ bònén bèn ji ka? Vèr‑iì shiy nyaáŋ, la vijuŋ vi yòʼ a dzə. Shiy luŋ, lo fəə̀ fan ye ghaʼáné.