Ŋgàn 28:16 - ŊWÀʼ NYÙY

¹⁶ Ŋgaà saʼ wo wù tan vifií lo, wù kfə̀n ji gáʼ e wírí kitu, a wo wù ban seʼ mbóʼmé dzə̀ wo wù wíy bonén, e saʼ ntàmda.

Ŋgàn 28:16 Referans Kwoze

Ŋwàʼ Fəə 18:21

Kiiyì, áà nèn nə̀ə́ e wìr dzə̀m mvəm, e shòʼtí wír vee jwáʼ ve á fan Nyùy, suuy suuyrú, kfə̀n ban yíkísáŋ, e lèm, aá wáa dzə vilìmbìy ve wíri. À shóʼti, áà javti é viliŋ viliŋ, é kilìmbìy kimòʼón kimòʼón fo kiliŋ kímóʼ kí wáa saʼ wír nsə̀kì nsə̀kì, é veé kiliŋ kímóʼ kí wáa saʼ wír wií wií, é vee kímóʼ kí wáa saʼ wír mtàn mtàn, é vee kímóʼ kí wáa saʼ wír e ghvə̀m ghvə̀m.

Aysaya 3:12

Ke Nyùy Tàr suuy ki dzə̀ jii, «Wónlè ve terií lò ne, a tay wír vém, a sáʼ wìr vémé kù sí lo a dzə̀ fo vikìy. Éè wìr vem, vilìmbìy vén ví sí tuʼùr ven túʼurin, jívir ven fo vèn wáa ghan e mǒ mbòv.»

Ŋgaà Tàrvìnyò 4:1

M kfən lèéy, e yèn mo á nəʼsì wíri é sar shùy fèn. M yén, aàghéʼnceyí tóŋé, a bó ŋgaà sə̀mér yòʼ dzə̀, bìʼ fo vitaáví ví kù siìn áàŋgàa vibàn véví wo, aá táy áwune, a bó yòʼ dzə̀ wìr mùm fóo tom áwune.

Nehemia 5:15

Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

1 Afòn 12:14

Wù kù‑uù jùmrì ntir a dzə̀ ye awàʼ və́, e sùúy e wíri jii, «Tàr wor‑iì fó ven kibeʼèy, a kí gháʼ ven, a m kfə̀n lo, e dzə̀sì dzə̀sìn. Tàr wor‑iì wív ven áàŋkoó, a m lo, a dzə̀v ven a dzə̀ e ŋgwàn nyari.»

1 Afòn 12:10

Awàʼ vəə́ suúy ji á biner á e wír ve á toŋ a vìyi jii, «Wàn kiwo və wo terí waà fàŋ a, e shaà mentìntìn me tàr wov.

Amos 4:1

Ven vee vikìy veé Samaria, vèn yuúrí kinyo kìn ki. Vèn yuúrí, ven ve á fàŋkìn moo anàʼ veé Bashan. Vèn nyavrì aàŋgàa kitàne, táy aghéʼncey, lo, á wàa tiy tiyín aàlúm vén vee kfə́m sé wírií kitu jii, vèn wáa dzə rì, e làa yòʼ fo meluʼ é vèr nó.

Ŋgaà Tàrvìnyò 10:16

Éè wìr vem, lòné dzə̀ wó wòŋ wo fòn wov dzəə̀n wánlè wo terí, a vilìmbìy vév ví yí a dzə̀ ŋkàʼ vijàvndzə vidzə̀m.

Ŋgàn 15:27

Wìr jum séʼ kiŋkùvrì, wù maʼ ŋgeʼ e wun lav, a wìr wo wù wíy shiíy dzə̀ wo wù ban kòyàr.