Ŋgàn 28:12 - ŊWÀʼ NYÙY

¹² Wìr wo wù yú Nyùy kóʼ e ntaʼ, wíri wàa sàvnìn. Wìr wo wù méŋ Nyùy kóʼó, wíri fəə̀ nsàm.

Ŋgàn 28:12 Referans Kwoze

Ŋgàn 29:2

Wír ve á yú Nyùyi kóʼ e ntaʼ, wíri wàa sàvnìn. Wír ve á méŋ Nyùyi lóo saʼ, wíri wàa shwemkír.

Ŋgàn 11:10

Wíri yúnin Nyùy, kuʼkìrì, ŋkàlaʼ wàa yu vijuŋ. Wíri méŋ Nyùy, kpúkirì, ŋkàlaʼ wàa seŋ.

Ŋgàn 28:28

Wìr wo wù méŋ Nyùy kóʼ e ntaʼ, wíri fəə̀ nsàm, wù gbu fo ntaʼ, wír ve á yú Nyùyi lì sáʼ.

Jeremia 36:26

Fòn lò bèy, e nèn tùm wan ntoʼ woo Jeraameel wùn à Serayia woo wan Asriel, à Shelemia woo wan Abdeel ji á koó á ŋgaà saŋ woo Baruk wùn *ŋgaà ntum Nyùy woo Jeremia. Yii bèy, a Nyùy Tàr kì lìtì ne áwune.

Jeremia 5:1

Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

Ŋgaà Tàrvìnyò 10:16

Éè wìr vem, lòné dzə̀ wó wòŋ wo fòn wov dzəə̀n wánlè wo terí, a vilìmbìy vév ví yí a dzə̀ ŋkàʼ vijàvndzə vidzə̀m.

2 Wòŋ 7:10

Wáa dzə e kishiíy kee ji nshòv sitaár e mbaà fó ŋwee woo ji saàmbà, Fòn Solomon siìr wíri é bàm aáwuné melaʼ, a wìr dzə̀m yú vijuŋ, shéʼri vinyo ve juŋ ve Nyùy Tàr‑iì yiìn e Davir, e yiì e Solomon, e kfə̀n yiì e wír və́ veé Israyi.

1 Afòn 19:3

Elija yú, a fàn, e nèn tùmnín, a leʼ e kitú kfə́ kí. Wù léʼ, e dù mèé e Beersheba, e nsay Juda, e lèm ŋgaà lìm və fó,

1 Afòn 18:13

Bó taàtá wom yòʼ sà‑aà lo yù kinyo ke mò‑oò yiìn é ghan se Jesebel‑iì yúyri aŋgàa ntum Nyùy Tàr á? Mò‑oò lìtì á áwune wií é mbvə̀ʼ sibaà, mtàn mtàn, a fo a viyíkìr wùn à mendzə́v mè aáwune.

1 Samuel 24:11

Tàr wor, á wàá leéy, á leéy á kinsàr ke ndzə̀y ke m kér e kiwo kìn. M tìn á fo wun kikum, e làa yòʼ yuyrí a wun. Kin ki yiì ne, á kiíy á ji m yòʼ méŋ a sáʼ rə́, a bó m yòʼ taʼ e yuyrí a wun. Á jwím mo ji á yúyrí, a m yoʼ fə̀m jày á kinyo e wun.

Jeremia 36:19

Vé saʼa nèn yòŋ e Baruk jii, «Dù, é vèn Jeremia lir, a yen fó yiì, é wìr kiíy fo vèn dzəə̀n.»