Ŋgàn 28:11 - ŊWÀʼ NYÙY

¹¹ Ŋgaà mbàm kù yii yén kitú kfə́ ji fií, a ŋgaà kitàn wo wù kiiy jeéyjeéy fo vinyò yíi toʼ kinyè kfə́.

Ŋgàn 28:11 Referans Kwoze

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

Ŋgàn 26:16

Njoó kù yii yén ji wun fìír, e shaà wír anín ve á suuy kinyo ke kí kér vifií.

Ŋgàn 18:17

Wìr neer nsaʼ rə fó mbìy, yì wàa dìn suuyrú, e meé mo ŋgaà və nsaʼ yíi dzətí wun vinyo.

1 Timoti 6:17

M nén kfə̀n a suúy e wò jii, à kú a tir wír ve á kér bùʼ a dzə̀ woó ndzə fèn a ji lá á yòʼ a koʼór wún, a tiír vifií a dzə̀ é bùʼ foo fèy, bìʼ fo bó yòʼ dzə̀ á kìíy ghán se wù mayì. Áwune wáa tiír vifií a dzə̀ e Nyùy wùn. Fó wun vifá vidzə̀m, a wù fó nyanyày feyì ji vèsən wáa yu vijuŋ fo fo.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Aysaya 5:21

Lòné dzə̀ wó wìr ve á kwaʼ ji á fìír, wír, aá kù yén a dzə̀ vitú vév ji afií.

Ŋgàn 26:5

Ku kòrìr kiyúŋ kí kórisin, fo wù wáa yen kitú kfə́ ji fií.

Ŋgàn 23:4

Lá à yòʼ kù a tàŋèn ji à kuʼ. Ku fìír, e bàʼàr kitám kee bey,

Ŋgàn 19:1

Bòŋ a tàn, a ker liì wo juŋ, e shaà ké a boʼtí kimboʼtì, a yiì kiyúŋ.

Ŋgàn 18:11

Ŋgaà mbàm yén kfə́ ji káv vəə́ kiŋsìn wun, moo kay ye á bomen e da, e kaàrí lá sho, e tàr.

Ŋwàʼ Jov 32:9

Yòʼ yii yii viyá ve wìr yenen ne, é bo ŋgaàŋ wáa ker vifií, a bó yòʼ dzə̀ sá ghán sidzə̀m se dzə̀ aránsisii kìíy móo tinén kinyo e nsànloŋ.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Ŋgàn 26:12

A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.