Ŋgàn 28:10 - ŊWÀʼ NYÙY

¹⁰ A wìr lòo dzə, e yiì, wìr woo là nsem jáy dzə́ə, e nə̀ə́ e kinyò ke bi kí, bo kù yíi gbù wun e wun bii. Yii bèy, a wìr woo là njò kù wíy kav kfə́ a dzə̀ vijuŋ.

Ŋgàn 28:10 Referans Kwoze

Ŋgàn 26:27

Wìr túŋ bií, bo kù yíi gbù wun sho, wìr dzəə́r tíy, bo yí kù yíi bìnkìr, e koo a dzə̀ wun.

Galatia 2:4

A là fo wír ámóʼó ve vé‑eè wóvri ji á tíy e kinyò ke Jesus Kristùu woóné, e nə̀ə́ fo věr dzə̀ʼə̀m foo fèy, bo bó á yòʼ fə̀m‑eè ló a gwàrìr kinyo kee bey. A vé‑eè nəə cáʼ ji á shwéʼ á jii, mo vèsən tíy e kinyò ke Jesus Kristu, vèsən sà bòy fo liì woó Juda moó le á, aá fíʼ kiíy mo dzə̀ á rə̀ʼə́y vèsən e liì woo shooy.

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.

Ŋgàn 15:6

Wìr yú Nyùy, wù wàa ker bùʼ e gháʼán e wun kitàv. Wìr méŋ Nyùy, lòné nə̀ə́ e wun keŋ.

Ŋgaà Yen 2:14

Yii bèy, a vinyo vímóʼ ví dzə̀ shó ve vèn yii, la ví yòʼ a gheén mo. Wír ámóʼó dzə̀ e věn mvəm ve á yii vinyo, a dzə̀ ve Balaam‑eè yii. Wù‑uù táŋ mo dzə̀ Fòn Balak yiì, e bóo màʼ wír veé Isray. Wù‑uù din sho mo dzə̀ wù lèvtí wír veé Isray, aá wáa dù e virə̀ʼ vé anyùy, a yikír fo, e kfə̀n a jàŋ kinjàŋ.

Ŋgaà Tàrvìnyò 10:8

A wìr túŋ bií, bo kù yíi gbù wun sho, wìr wáa kiv kirə́v ké lav ji wun nəə́, bo yò kù‑úù té wun.

Ŋgàn 21:20

Fiì yii kér vifá veé kilùm veé shií é lav, a kiyúŋ kí jaar kfə́ və́ jaarín.

Ŋgàn 10:3

Wìr yúnin Nyùy Tàr, la wù yòʼ màʼtì wun e jìŋ, wìr méŋ Nyùy, wù wàa sətí dzə́ə sə́.

Nsùyrì Nyùy 37:11

Yii bèy, wír ve á bórkir e Nyùy sii kù wíy a dzə e nsay. Áwune kù wíy a dzə e nsay, a yu vijuŋ ve vikùʼùy nyanyày.

Nsùyrì Nyùy 9:15

Vitúm vi‑iì túŋ bií ji m gbu shó, kfən gbù áwune shó. Vé‑eè tám lálán, kù ndzə̀v áwune shó.

1 Samuel 26:19

Nyàr, á ku yuùrí a kinyo ke m suuyì. A lòo dzə, a yií Nyùy Tàr ji á wáa jwim mo, bo a m yiì cu fo wun, yí kù yiì, wù kùvsín á kwaʼtì rə́. Yii bèy, wáa dzə, a yií wíri, ŋgeʼ Nyùy Tàr kù gbù aáwuné kitu, bìʼ fo á jùmèn ne mo fo Nyùy Tǎr wòŋ ji m wáa dzə e wòŋ wo dzə̀ m kù a ghvəm a dzə̀ anyùy kisaŋe.

Hibru 6:12

Lá wìr yòʼ a yiì ŋgòy. Vèn wáa bìʼnìn a dzə̀ wír ve á siìn fó mbìy, aá koóy ne ŋkàʼmé woo shooy, bìʼ fo vé‑eè dzə́, wáy shilív a dzə̀ e Nyùy wùn, leey fó mbìy ji nyaáŋ.

1 Pita 3:9

Wìr fə́m yii kinyo ke bi kí e wìr, lá ŋgaàŋ yòʼ siìr kinyo kee shooy. Wìr kuu wír, lá ŋgaàŋ yòʼ siìr. Kinyo ke dzə̀ vèn wàa yiì ki dzə̀ jii, wìr kuu wír, wù kù a lon cáʼ ji Nyùy shám ŋgaàŋ. Vèn wáa kuumé ji Nyùy‑iì lì ven ji və́ vee wír bèy, ji wun fiʼ shàm ven.

Nsùyrì Nyùy 57:6

Á kòʼór ne kitám ji m li shó, a m kù sì kém ji nyam lòn. Á tùŋ ne bií ji m gbu shó, nen siì lò áwune, e gbù sho.

Nsùyrì Nyùy 139:24

Leéy ó, e yèn ji m sà ghán e mbǒv kinyò ke bi kí á? Ku lèéy, a dànèr mo e wò mbòv wo dzəə̀n wo ruú ŋkuuŋkùŋ.

Ŋgàn 2:21

Á bèy, wír vee là nseme wíy a dzə e nsay fèn, wír ve á kér liì wo juŋe kù wíy a dzə fo.

Ŋgàn 28:18

Wìr wo wù gharin suuyrú, e kpù shó kù wíy a tiy là kinyo ké a fàn, a ŋgaà yiì ye bií kù wíy lò kfə́, e to toón é bii.