Ŋgàn 28:1 - ŊWÀʼ NYÙY

¹ Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.

Ŋgàn 28:1 Referans Kwoze

Remrí 28:7

«Nyùy Tàr wíy tòn aŋgaà vén vibàn e věn si. Á lóo wìy ji á ghíʼ ven, bo á kù yíi bvəə́rí, a leʼkír, é wìr wáa tùr dzə́ə rə.

Nsùyrì Nyùy 53:5

Áwune dzə̀ ben, aá dzə̀ é mvə̀m fàn ye ghaʼáné, fan ye mfìʼ yòʼ‑oo yií ne a dzə, bìʼ fo Nyùy wíy yuyrí aŋgàa vibàn və́, e taʼár vighvə́r vév. Á wíy tòn áwune tónen, bìʼ fo Nyùy Tàr meŋen ne áwune.

Nsùyrì Nyùy 112:7

Wù yòʼ yii fan fóo yu sáʼka wo bi. Shilív sə́ shí tíy kitávín, a wù yéʼti a dzə̀ e Nyùy Tǎr wùn.

1 Tesalonika 2:2

Vèn kì sá mo wíri‑iì nəʼsì ver, kfə̀n shoor ver é Filipi, a Nyùy kù távir melív mer, vèr ku yòʼ wìy, a fìʼtì sáʼka və wo juŋ e vèn, a wíri fə̀m‑eè kinèn e le.

Lim Aŋgàa Ntum 4:13

Vé saʼa yú, a Pita wùn Joon bínér vinyo tèéter, là fan, e kfə̀n yèn ji dzə̀ wíri fó tèr, a bó á yoʼ yèʼéy ŋwàʼ e ŋàŋ, sí yéví sə́n. Á nèn səə̀m ji kí dzə̀ bey, bì fo vé‑eè ghán a wùn à Jesus.

Lim Aŋgàa Ntum 14:3

Por wùn Banabar ku yòʼ a dzə fo ntàmda, a fìʼtì kinyo ke Taàtá Jesus tèéter, a naàrì mo wù bùʼùn wíri, a fo áwune vitaáví, á wáa yiì viŋgaʼnìn ve vinyò, ví wáa dìn ji kinyo ke áwune fiʼtì ki dzə̀ á rú.

Jeremia 20:4

A Nyùy Tàr shu bèy, suuy jii, ‹M wíy yiì kinyo e wò, a dzə̀ ke wúné wáa beemé wò, e kfə̀n yiì bèy e ŋkar sé si. À wíy yen mo aŋgaà vév vibàné wíy laàr áwune e nyùy rə̀r. M wíy way wír veé Juda adzə̀m e fòn woó Babilon kiwo, é wù li áwune, e dù sho e Babilon, kìn wù yúyri yùyrín.

Cù 26:36

«Ké wìr ve vé‑eè berin, aá du shó aàŋgaà vén vibàné nsay. M wíy way kindzə́m aáwuné meliv, ye a fə̀m wàʼ kibábár, aá kú a fàn fànèn, a nyeŋkír mo wìr nyèŋ rə́r, a nyeŋ, a gbùkìr, a wìr yòʼ jumè.

Remrí 28:25

«Nyùy Tàr wíy yiì, áàŋgaà vén vibàné ton ven é shùu rər. Vèn wíy tám e shùu rər ŋgoo mòʼón, aá lo, e bvəə̀rí, a leʼkír, é wìr wáa tùr dzə́ə rə. Vitúm vidzə̀m vi yéné, é shúu yúm áwune bìʼ kinyo ke kí kooyin ven.

2 Afòn 7:15

Á jùmrì kiwuú ké wìr veé Siiria, e dù, e mèé e ndzəv yee Jordan, aá kù yén a dzə̀ ndzə̀y wùn à vifá ve wír veé Siiria vi, a ví néŋ dzə́ə e dzə̀m mo vé‑eè du kigir kigir bèy, a ví túmkirì. Á bèy, áwune nèn kfə̀n, e naàrì e fòn.

Aysaya 7:2

Fòn Ahas, wun wo dzəə̀n rám Fòn Davir‑iì yù ji kitúm kee Isray ki suùsín a ne wùn à kee Siiria ki, tímé kpú fo wùn à wír vəə́ bvə̀m, á wáa yàʼ, kù mo kar shwér vicí é kòv.

Ŋwàʼ Fəə 11:8

Mooser màysì, e yòŋ jii, «Vé saʼ vé, mo áwune dzə́ e taa fèy, á wíy səy adzə̀m fèn, e gvəʼtí e mǒ si, a lon, a suúy jii, m ku màʼtì a ven, e lì wír vém adzə̀m, a dù sho. Á suuy bèy, é m nèn lò.» Mooser nèn màʼtì Farao, a dù, a dòʼshwiíy sí kív wun kívín.

Cù 26:17

M yíi shwivír ven, áàŋgaà vén vibàné wáa ghaʼ ven. Wír ve á ban vené yíi a fo sáʼ e vèn. Vèn wíy a leʼ, a bó wìr yòʼ jum ven.

Nehemia 6:11

M nèn bìnèr jii, «A dzə̀ rú wír moo mo ben, wù wàa leʼ a? A dzə̀ wír moo mo ben, wù wàa dù e lav Nyùy ji wun luŋer kitú kfə́ à? Bó m yòʼ du.»

Ŋgàn 27:27

e kfə̀n a ker vín bvəy nyanyày yé a no, é kfə́ə yée wáa no sa, à wón vee vikìy ve á lim e wò laʼa.

Aysaya 30:17

Ŋgaà won vibàn wíy tiím e mòʼón, e taʼár ven wír nsə̀kì, áwune tiim atàn, é vèn sám wír adzə̀m. Kimaysì kí dzə̀ jii, vèn wíy a leʼ, aá bér ne ashàr, é ku gòʼ shicícíwàr, a tiy e kitu ke gwan.»

1 Afòn 1:49

Wír ve wùn à Adonija‑aà dzəə̀n fó ŋkàʼá nèn a fàn, a lòkìr amòʼón amòʼón, a wìr du dzə́ə rə, a wìr du rə́ə.

Ŋwàʼ Jov 15:21

Wù lo, wù yù kiyor, a kí yor, bémer wun, wù lóo yen ji vinyo vi ghán e mboʼ, ashóŋé nèn nə̀ə́ wun.

Nsùyrì Nyùy 53:6

La Nyùy sí ri yiì, é luŋ wìr veé Israyi lo fó Sion a. Rúrú, Nyùy Tàr wíy lòo siìr vikuʼùy vév, é rám Jakovi wáa sheʼrí, é wír veé Israyi wáa sàvnìn.

Ŋgàn 10:9

Wìr lóo ker yii ye juŋe, wù kìŋsìn kitú, lóo ker yé kisaŋe, wù gbù e Nyùy kitam.