Ŋgàn 27:9 - ŊWÀʼ NYÙY

⁹ À sor meŋgvə́r é si, yí wàa yaané. À yóʼ wún e biʼi, wú wàa yu vijuŋ. Ŋkar yè tír wò, à wàa sheʼrí.

Ŋgàn 27:9 Referans Kwoze

Ŋgàn 16:21

Fiì dzə̀ wír wo wù kiìn jeéyjeéy fó vinyò, a kiláyláy kfə́ ke juŋ ki dzəsì yéʼéy e wíri.

Nsùyrì Nyùy 23:5

Nyùy Tàr, à səə́si mo e wò laʼ, báʼti vifá vém vé yi aàŋgaà vém vibàné si. À səə́si mo, yóʼ kitú kém e meŋgvə́r me rəʼtìn mè, rúner bàr wom, a wù cuurì fo nsay.

Ŋgàn 15:23

Wìr binèr kinyo, kí shémsinè, wù wàa yu vijuŋ. Jì ye yì fəən é ghan bòŋ, e shaàsìn.

Nsùyrì Nyùy 104:15

a koóy meluʼ mé a no, é wúné wáa tekír, a koóy meŋgvə́r mé a sòr, é síi wáa yaané, a koóy vifá vé a yi, é wúné fíʼ a dzə kitávín.

Yòv Viŋgér 4:10

Yeè lav wom woo shilív shém, à maʼ wó e mǒ wùn, la m yòʼ kìíy fo m dzəə̀n. Nyomèr ye à nyomèr shilív shémé boŋ shaa meluʼ, a kirəm ke kí fəə́ fo wò kiyoʼóy ké bìʼ ki shaà ké kfəə kilay e dzə̀m.

Yòv Viŋgér 3:6

Yímóy, kóʼ ka fó wòŋ woʼó? Kóʼ moo kikfə́m ke kindzəʼ, rəm, rəʼtìn moo kiláy kee *mer, à kee *frankinsen ki. Rəm bèn rəʼtìn moo pavda wónlě way.

Joon 12:3

Maria yiì lò, e lì biʼ ye juŋ yímóʼó kiyóʼóy kifur, aá fér e *nard, a yí lùm e mbàm e ŋàŋ, e wìy, e bòr e Jesus wuù, e gvə̀ʼə́r kitú, a səŋrí e nə́ŋ sə́ sí. Lav nèn bìnkìr, a shàŋ shàŋèn e dzə̀m.

Nsùyrì Nyùy 133:2

Kí bòŋ moo meŋgvə́r me rəʼtìn meé kilùm, meŋgvə́r me á səə̀rìn e Aaron kitu, a mè léŋ, sə́yí, sə́y bèn e wun kighèv, shémkir, du e wun vilòŋ vé kikum.

Atǎr Nsaʼ 9:9

Kicí ké *oliv ki bìnèr jii, ‹A dzə̀ m yàr fó a fəə́r meŋgvə́r me á sheʼér anyùy wùn à wíri shó ji m wiy a saʼ vicí a?›

Lim Aŋgàa Ntum 28:15

A vèr‑iì lóo dù, aŋgàa biimé vee fóo yú ji vèr waà sí wiyì, e nèn fəə̀kír, a wìy. Vèr à ámóʼó tárnín é way wo wú dzəə̀n é Apiyur, vèr à ámóʼó kfən tàrnín fo lav se meèmè símóʼ sí‑iì dzəə̀n sitaár. Por yén áwune, e beèrì Nyùy, shilív sə́ shí rə̀sìn.

Yòv Viŋgér 1:3

Kiyóʼóy ké ke bìʼ ki rəm, rəʼtìnè, aà kù dzə̀ é kilùm moo kirə̀ʼtìn ke bìʼ rə̀n. Á nsàv ye wónlě ŋgòne kù kpú kpuún e wò bàm.

Ŋgàn 7:17

M nàŋsín ne kikún kém e vifá ve rəʼtìn ví vee *mer, wùn à vee *alo vi, à vee *sinnamon vi.

Nsùyrì Nyùy 141:5

Wìr wo juŋ lóo roòmè jay wom, bo sì kinyo ke juŋ ki. Wù naarì mo náarin, bo sì mbùʼmé mo wù buʼ mo shó, a bó yòʼ dzə̀ m wàa ten. Ké wìr ve bi kí dzə̀, a m bunrì ghán sidzə̀m ji lá vinyo vév ví yòʼ a ghan.

1 Afòn 1:12

Yuúrí, mo‑óò tír wò mo dzə̀ à sə̀ kitú ké, e kfə̀n sə̀ sá ké wan wò Solomon.